ವನ್ಯಜೀವಿಗಳಿಗೆ ಕುಡಿವ ನೀರು ಸೌಲಭ್ಯ: ಅರಣ್ಯ ಇಲಾಖೆ ಸಿಬ್ಬಂದಿ ಕ್ರಮ

ಯಲಬುರ್ಗಾ: ತಾಲ್ಲೂಕಿನ ಮಕ್ಕಳಿ ಮತ್ತು ಮಂಡಲಮರಿ ಪ್ರದೇಶ ವ್ಯಾಪ್ತಿಯ ಅರಣ್ಯ ಪ್ರದೇಶದಲ್ಲಿನ ಪ್ರಾಣಿಗಳಿಗೆ ಕುಡಿಯುವ ನೀರಿನ ಸಮಸ್ಯೆ ಕಾಡದಿರಲಿಯೆಂದು ಅರಣ್ಯ ಇಲಾಖೆ ಸಿಬ್ಬಂದಿ ಹೊಂಡಗಳಲ್ಲಿ ನೀರು ತುಂಬಿಸಲು ಕ್ರಮ ಕೈಗೊಂಡಿದ್ದಾರೆ.

‘ಅರಣ್ಯದಲ್ಲಿ ನೀರು ಸಿಗದ ಕಾರಣ ವನ್ಯಜೀವಿಗಳು ದಾಹ ನೀಗಿಸಿಕೊಳ್ಳಲು ಊರು ಮತ್ತು ತೋಟಕ್ಕೆ ಬರುತ್ತಿವೆ. ಅವುಗಳಿಗೆ ತೊಂದರೆಯಾಗಬಾರದು ಮತ್ತು ಜನರಿಗೂ ಸಮಸ್ಯೆಯಾಗಬಾರದು ಎಂಬ ಉದ್ದೇಶದಿಂದ ಹೊಂಡ ಮತ್ತು ತಗ್ಗು ಪ್ರದೇಶಗಳಲ್ಲಿ ನೀರು ಭರ್ತಿ ಮಾಡುತ್ತಿದ್ದೇವೆ‘ ಎಂದು ಯಲಬುರ್ಗಾ ಉಪ ವಲಯ ಅರಣ್ಯಾಧಿಕಾರಿ ಅಂದಪ್ಪ ಕುರಿ ತಿಳಿಸಿದರು.

ಅರಣ್ಯದಲ್ಲಿ ತೋಳ, ನರಿ, ಮೊಲ, ನವಿಲು ಸೇರಿದಂತೆ ವಿವಿಧ ಪ್ರಾಣಿಪಕ್ಷಿಗಳಿವೆ. ಸಂಗನಾಳ, ಕಲ್ಲೂರು ಮಲ್ಕಸಮುದ್ರ ಪ್ರದೇಶದಲ್ಲಿ ಜಿಂಕೆಗಳು ಸಾಕಷ್ಟು ಪ್ರಮಾಣದಲ್ಲಿವೆ. ಅವುಗಳ ರಕ್ಷಣೆಗಾಗಿ ಕೈಗೊಂಡಿರುವ ವಿವಿಧ ಕ್ರಮಗಳನ್ನು ಕೈಗೊಂಡಿದ್ದೇವೆ‘ ಯಲಬುರ್ಗಾ ಉಪ ವಲಯ ಅರಣ್ಯಾಧಿಕಾರಿ ಅಂದಪ್ಪ ಕುರಿ ತಿಳಿಸಿದರು. ಅರಣ್ಯ ರಕ್ಷಕ ಶರೀಫ ಕೊತ್ವಾಲ ಇದ್ದರು.