ಗ್ರಾಮಸ್ಥರಿಂದ ಹೆಬ್ಬಾವು ರಕ್ಷಣೆ

ನಾಗಮಂಗಲ: ಕಾಡಿನಿಂದ ನಾಡಿಗೆ ಬಂದಿದ್ದ ಹೆಬ್ಬಾವೊಂದು ಯುವಕರ ಕೈಗೆ ಸಿಕ್ಕು ರಕ್ಷಣೆ ಪಡೆದು ಪುನಃ ಕಾಡು ಸೇರಿದ ಘಟನೆ ತಾಲ್ಲೂಕಿನ ಬ್ರಹ್ಮದೇವರಹಳ್ಳಿಯಲ್ಲಿ ಈಚೆಗೆ ನಡೆದಿದೆ.

ಸೋಮವಾರ ಗ್ರಾಮದ ಸೇತುವೆ ಬಳಿ ಕಂಡ 15 ಅಡಿ ಉದ್ದದ ಹೆಬ್ಬಾವನ್ನು ಗ್ರಾಮದ ಯುವಕರಾದ ಸೋಮ, ಮಹದೇವ್, ರಾಜ್‌ಕುಮಾರ್, ಮಂಜುನಾಥ್ ಹಿಡಿದು ಅರಣ್ಯ ಇಲಾಖೆ ಸಿಬ್ಬಂದಿಗಳಿಗೆ ಒಪ್ಪಿಸಿದರು. ಬಳಿಕ ಹೆಬ್ಬಾವನ್ನು ಮರಳಿ ಕಾಡಿಗೆ ಬಿಡಲಾಯಿತು.