ದೊಡ್ಡಗಡಿಯಾರದ ದುರಸ್ತಿಗೆ ₹ 35 ಲಕ್ಷ

ಮೈಸೂರು: ಇಲ್ಲಿನ ಐತಿಹಾಸಿಕ ದೊಡ್ಡ ಗಡಿಯಾರ ಕಟ್ಟಡದ ದುರಸ್ತಿಗಾಗಿ ₹ 35 ಲಕ್ಷವನ್ನು ತೆಗೆದಿರಿಸಲಾಗಿದೆ ಎಂದು ಪಾಲಿಕೆ ಆಯುಕ್ತ ಗುರುದತ್ತ ಹೆಗಡೆ ತಿಳಿಸಿದರು.

‌ಗಡಿಯಾರದ ರಪೇರಿಗಿಂತ ಕಟ್ಟಡ ಉಳಿಯುವುದು ಮುಖ್ಯ. ಮೇಲ್ಭಾಗದಲ್ಲಿ ಸ್ವಲ್ಪ ಬಿರುಕುಗಳು ಕಾಣಿಸಿಕೊಂಡಿವೆ. ಇದನ್ನು ದುರಸ್ತಿಗೊಳಿಸಿದ ನಂತರವಷ್ಟೇ ಗಡಿಯಾರವನ್ನು ರಿಪೇರಿ ಮಾಡಲಾಗುವುದು ಎಂದು ಇಲ್ಲಿ ಗುರುವಾರ ಸುದ್ದಿಗಾರರಿಗೆ ತಿಳಿಸಿದರು.