ಮೈಸೂರಿನಲ್ಲಿ ಸೂರ್ಯನ ಸುತ್ತ ಉಂಗುರ

ಮೈಸೂರು: ನಗರದಲ್ಲಿ ಶನಿವಾರ ಮಧ್ಯಾಹ್ನ 12ರ ಸಮಯದಲ್ಲಿ ಆಕಾಶ ನೋಡಿದವರಿಗೆ ಅಚ್ಚರಿ ಕಾದಿತ್ತು. ಸೂರ್ಯನ ಸುತ್ತ ಉಂಗುರವೊಂದು ರಚನೆಗೊಂಡು ಜನರನ್ನು ಚಕಿತಗೊಳಿಸಿತು.

ಈ ಕುರಿತು ‘ಪ್ರಜಾವಾಣಿ’ ಪ್ರಾದೇಶಿಕ ಶಿಕ್ಷಣ ಸಂಸ್ಥೆಯ ನಿವೃತ್ತ ಪ್ರಾಂಶುಪಾಲ ಹಾಗೂ ಭೌತವಿಜ್ಞಾನದ ನಿವೃತ್ತ ಪ್ರಾಧ್ಯಾಪಕರೂ ಆದ ಡಾ.ಎಸ್.ಎನ್.ಪ್ರಸಾದ್ ಅವರನ್ನು ಸಂಪರ್ಕಿಸಿದಾಗ ಅವರು, ‘ಇದೊಂದು ಸ್ವಾಭಾವಿಕ ಹಾಗೂ ಅಪರೂಪದ ವಿದ್ಯಮಾನ’ ಎಂದು ತಿಳಿಸಿದರು.

ಮೋಡಗಳಲ್ಲಿನ ಘನೀಕೃತವಾದ ದೊಡ್ಡ ಗಾತ್ರದ ದೂಳು ಮತ್ತು ನೀರಿನ ಕಣಗಳ ಮೂಲಕ ಸೂರ್ಯನ ಬೆಳಕು ಹಾದು ಹೋಗುವಾಗ ಬೆಳಕಿನ ವಿಭಜನೆ ಆಗುತ್ತದೆ. ಆಗ ಈ ತರಹದ ರಚನೆ ಕಾಣಿಸಿಕೊಳ್ಳುತ್ತದೆ ಎಂದು ಹೇಳಿದರು.