ಗಾಳಿಪಟ ಉತ್ಸವ ನಾಳೆ

ಮೈಸೂರು: ಜಿಲ್ಲಾಡಳಿತ, ಪ್ರವಾಸೋದ್ಯಮ ಇಲಾಖೆ, ದಸರಾ ಪ್ರವಾಸೋದ್ಯಮ ಉಪಸಮಿತಿ ವತಿಯಿಂದ ಎರಡು ದಿನದ ಗಾಳಿಪಟ ಉತ್ಸವ ಆಯೋಜಿಸಲಾಗಿದೆ.

ಅ.12ರ ಶನಿವಾರ ಸಂಜೆ 5ಗಂಟೆಗೆ ನಗರದ ಲಲಿತ ಮಹಲ್ ಹೆಲಿಪ್ಯಾಡ್‍ನಲ್ಲಿ ಉತ್ಸವಕ್ಕೆ ಚಾಲನೆ ನೀಡಲಾಗುವುದು. ಅ.13ರ ಭಾನುವಾರ ಬೆಳಿಗ್ಗೆ 10ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ಮಹಾರಾಷ್ಟ್ರ, ಗುಜರಾತ್‍ನ ರಾಜ್‍ಕೋಟ್, ಸೂರತ್, ವಡೋದರಾ, ಹೈದರಾಬಾದ್, ಮಂಗಳೂರು ಹಾಗೂ ಬೆಂಗಳೂರಿನ ವೃತ್ತಿ ನಿರತರು ಗಾಳಿಪಟದ ಪ್ರದರ್ಶನ, ಮಾರಾಟ ಹಾಗೂ ಕಾರ್ಯಗಾರ ನಡೆಸಿಕೊಡುವರು.

ಎರಡು ದಿನವೂ ಸಂಜೆ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸಲಾಗಿದ್ದು, ಎಲ್ಲಾ ವಯೋಮಾನದವರು ಭಾಗವಹಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.