ಕುರುಬ ಸಮುದಾಯ ಎಸ್‌.ಟಿಗೆ ಸೇರಲಿ– ಶಿವಾನಂದಪುರಿ ಸ್ವಾಮೀಜಿ

ಮೈಸೂರು: ಕುರುಬ ಸಮುದಾಯ ಪರಿಶಿಷ್ಟ ಪಂಗಡ (ಎಸ್‌.ಟಿ)ದ ಪಟ್ಟಿಗೆ ಸೇರಿದರೆ ಶತಮಾನಗಳಿಂದ ಹಿಂದುಳಿದಿರುವ ಸಮಾಜ ಮುಂದೆ ಬರಬಹುದು ಎಂಬ ಭಾವನೆ ಎಲ್ಲರಲ್ಲಿದೆ ಎಂದು ಕಾಗಿನಲೆ ಶಾಖಾಮಠದ ಕನಕ ಗುರುಪೀಠದ ಶಿವಾನಂದಪುರಿ ಸ್ವಾಮೀಜಿ ಹೇಳಿದರು.

ಸಂತ ಶ್ರೀ ಕನಕದಾಸರ ಜಯಂತ್ಯುತ್ಸವ ಸಮಿತಿ ನೇತೃತ್ವದಲ್ಲಿ ಕನಕ ಗುರುಪೀಠದಲ್ಲಿ ಗುರುವಾರ ನಡೆದ ಕನಕದಾಸ ಅವರ ಜಯಂತಿ ಮಹೋತ್ಸವದಲ್ಲಿ ಅವರು ಮಾತನಾಡಿದರು.

ಪರಿಶಿಷ್ಟ ಪಂಗಡಕ್ಕೆ ಸೇರಿಸುವುದರಲ್ಲಿ ಎಷ್ಟು ರಾಜಕೀಯ ಇದೆಯೋ, ಮೋಸ ಇದೆಯೋ ಗೊತ್ತಿಲ್ಲ. ಆದರೆ, ಶ್ರೀಮಠ ಈ ವಿಚಾರ ಕುರಿತು ಸೂಕ್ತವಾದ ನಿರ್ಧಾರ ಕೈಗೊಂಡಿದೆ ಎಂದು ಅವರು ತಿಳಿಸಿದರು.