ಸಂಭ್ರಮಾಚರಣೆ ವೇಳೆ ಅತಿಯಾಗಿ ಮದ್ಯ ಸೇವನೆ; ಸಾವು

ಮೈಸೂರು: ಹೊಸ ವರ್ಷದ ಸಂಭ್ರಮಾಚರಣೆ ವೇಳೆ ಅತಿಯಾಗಿ ಮದ್ಯಸೇವಿಸಿದ ಇಲ್ಲಿನ ಮಂಡಿ ಮೊಹಲ್ಲಾದ ನಿವಾಸಿ ಕಾರ್ತೀಕ್ (22) ಎಂಬ ಎಲ್‌ಎಲ್‌ಬಿ ಅಂತಿಮ ವರ್ಷದ ವಿದ್ಯಾರ್ಥಿ ಮೃತಪಟ್ಟಿದ್ದಾರೆ.

ಇವರು ತಮ್ಮ ಸ್ನೇಹಿತರಾದ ಚಂದನ್ ಮತ್ತು ಪರಮೇಶ್‌ ಎಂಬುವವರ ಜತೆ ಆದಿತ್ಯ ವಸತಿಗೃಹದಲ್ಲಿ ಡಿ. 31ರ ರಾತ್ರಿ ಇಡೀ ನಿರಂತರವಾಗಿ ಮದ್ಯ ಸೇವಿಸಿದ್ದಾರೆ. ಬುಧವಾರ ಮಧ್ಯಾಹ್ನ 12.30ರ ಹೊತ್ತಿಗೆ ಮಂಚದಿಂದ ಕೆಳಗೆ ಬಿದ್ದಿರುವ ಸ್ಥಿತಿಯಲ್ಲಿ ಇವರ ಮೃತದೇಹ ದೊರಕಿದೆ ಎಂದು ಸ್ನೇಹಿತರು ತಿಳಿಸಿದ್ದಾರೆ.

ಇವರ ದೇಹದ ಮರಣೋತ್ತರ ಪರೀಕ್ಷೆ ನಡೆದಿದ್ದು, ವರದಿ ಬಂದ ಬಳಿಕ ಸಾವಿಗೆ ನಿಖರ ಕಾರಣ ತಿಳಿಯಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮಂಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.