ಚನ್ನಂಗೆರೆ ಗ್ರಾ.ಪಂ: ಸುನೀತಾ ದಿನೇಶ್ ಅಧ್ಯಕ್ಷೆ

ಸಾಲಿಗ್ರಾಮ: ತಾಲ್ಲೂಕಿನ ಚುಂಚನಕಟ್ಟೆ ಹೋಬಳಿ ಚನ್ನಂಗೆರೆ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷೆಯಾಗಿ ಸುನೀತಾ ದಿನೇಶ್ ಆಯ್ಕೆಯಾದರು.

ಅಧ್ಯಕ್ಷ ಸ್ಥಾನಕ್ಕೆ ಅನಿತಾ ಅವರು ರಾಜೀನಾಮೆ ನೀಡಿದ ಮೇರೆಗೆ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯಿತು. ಸುನೀತಾ ದಿನೇಶ್ 12 ಮತ ಪಡೆದರೆ, ಪ್ರತಿಸ್ಪರ್ಧಿ ಮಣಿ ಅಂಬರೀಶ್ 5 ಮತ ಪಡೆದು ಪರಾಭವಗೊಂಡರು. 

ನೂತನ ಅಧ್ಯಕ್ಷೆ ಸುನೀತಾ ದಿನೇಶ್ ಮಾತನಾಡಿ, ಗ್ರಾಮ ಪಂಚಾಯಿತಿ ಸ್ವಂತ ಕಟ್ಟಡದ ಅಗತ್ಯ ಇರುವ ಹಿನ್ನೆಲೆಯಲ್ಲಿ ಸರ್ವ ಸದಸ್ಯರ ಸಹಕಾರ ಪಡೆದು ಆದಷ್ಟು ಬೇಗ ಹೊಸ ಕಟ್ಟಡ ನಿರ್ಮಾಣ ಮಾಡಲು ಶ್ರಮಿಸುತ್ತೇನೆ ಎಂದರು.

ಚುನಾವಣೆ ಪ್ರಕ್ರಿಯೆಯಲ್ಲಿ 17 ಮಂದಿ ಗ್ರಾ.ಪಂ ಸದಸ್ಯರು ಭಾಗವಹಿಸಿದ್ದರು.

ಮುಖಂಡರಾದ ಮಲ್ಲಿಕಾರ್ಜುನ್, ತಿಮ್ಮೇಗೌಡ, ನಟರಾಜ್, ಗಂಗಾಧರ್, ಬಾಬು, ಶಂಕರೇಗೌಡ, ಮಾಳಪ್ಪ, ಶಿವಮೂರ್ತಿ, ಶೇಷಾದ್ರಿ, ಸುಂದರೇಗೌಡ, ರಘುನಾಥ್, ಮಲ್ಲೇಶ್, ಸತೀಶ್, ರೇವಣ್ಣ, ಶಂಕರನಾಯಕ, ಪ್ರಕಾಶ್,ರಮೇಶ್, ನಿಂಗೇಗೌಡ, ನಟೇಶ, ರವಿ, ಮಂಜುನಾಥ್, ರಾಜು, ನಾಗೇಂದ್ರ, ಕುಮಾರ್, ಶಿವಕುಮಾರ್ ಭಾಗವಹಿಸಿದ್ದರು.