ರಾಯಚೂರು| ಕಾರು ಡಿಕ್ಕಿ: ಮಾಜಿ ಯೋಧ ಸಾವು

ರಾಯಚೂರು: ನಗರ ಹೊರವಲಯದ ಪವರ್‌ಗ್ರಿಡ್‌ನಲ್ಲಿ ಕೆಲಸಕ್ಕಾಗಿ ಸೈಕಲ್ ಮೇಲೆ ಹೊರಟಿದ್ದ ವ್ಯಕ್ತಿಗೆ ಅಸ್ಕಿಹಾಳ ಸಮೀಪ ಹಳ್ಳದ ಬಸವೇಶ್ವರ ದೇಗುಲ ಬಳಿ ಕಾರು ಡಿಕ್ಕಿ ಹೊಡೆದು, ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಮೃತರನ್ನು ಮಾಜಿಯೋಧ ಶ್ರೀನಿವಾಸ ರಾವ್ (58) ಎಂದು ಗುರುತಿಸಲಾಗಿದೆ.

ಮೂಲತಃ ಗಂಗಾವತಿಯವರಾದ ಇವರು, ನಗರ ಸಮೀಪದ ಅಸ್ಕಿಹಾಳದಲ್ಲಿ ವಾಸವಾಗಿದ್ದರು. ಸೈಕಲ್ ಮೇಲೆ ಕೆಲಸಕ್ಕೆ ಹೋಗುತ್ತಿದ್ದಾಗ, ರಾಯಚೂರಿನಿಂದ ಲಿಂಗಸುಗೂರು ಮಾರ್ಗವಾಗಿ ಸಾಗುತ್ತಿದ್ದ ಅಪರಿಚಿತ ಕಾರೊಂದು ಡಿಕ್ಕಿ ಹೊಡೆದಿದೆ. ಪಶ್ಚಿಮ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.