ಜಾಲಹಳ್ಳಿ: ಮೊರಾರ್ಜಿ ಶಾಲೆಗೆ ಶೇ100ರಷ್ಟು ಫಲಿತಾಂಶ

ಜಾಲಹಳ್ಳಿ: ಪಟ್ಟಣದ ಹೊರ ವಲಯದಲ್ಲಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆಗೆ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಎಲ್ಲ 47 ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದು, ಶಾಲೆಗೆ ಶೇ 100ರಷ್ಟು ಫಲಿತಾಂಶ ಬಂದಿದೆ ಎಂದು ಶಾಲೆಯ ಪ್ರಾಂಶುಪಾಲ ಸೋಮಶೇಖರ್ ಪಾಟೀಲ ಬಾಗೂರು ತಿಳಿಸಿದ್ದಾರೆ.

ಪ್ರಶಾಂತಕುಮಾರ ಶೇ 99.20, ಭೀಮೇಶ ಶೇ 98.56 ಅಂಕ ಪಡೆಯುವ ಮೂಲಕ ಸಾಧನೆ ಮೆರೆದಿದ್ದಾರೆ. ಶಾಲೆಯ 17 ಬಾಲಕಿಯರು, 13 ಬಾಲಕರು ಅಗ್ರಶ್ರೇಣಿ, 7 ಬಾಲಕಿಯರು, 9 ಬಾಲಕರು ಪ್ರಥಮ ದರ್ಜೆ, ಒಬ್ಬ ವಿದ್ಯಾರ್ಥಿನಿ ದ್ವಿತೀಯ ದರ್ಜೆಯಲ್ಲಿ ತೇರ್ಗಡೆಯಾಗಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.