ರಾಯಚೂರು: ಪಾಲಿಕೆ ಸದಸ್ಯರಿಂದ ಬಕೆಟ್ ವಿತರಣೆ

ರಾಯಚೂರು: ನಗರದಲ್ಲಿ ಸ್ವಚ್ಚತೆ ಕಾಯ್ದುಕೊಳ್ಳಲು, ಹಸಿ ಹಾಗೂ ಒಣ ಕಸ ಪ್ರತ್ಯೇಕ ಸಂಗ್ರಹ ಅನುಕೂಲಕ್ಕಾಗಿ ವಾರ್ಡ್ ನಂಬರ್ 2ರ ಜನತಾ ಕಾಲೊನಿಯಲ್ಲಿ ಗುರುವಾರ ಮಹಾನಗರ ಪಾಲಿಕೆ ಸದಸ್ಯ ಜಯಣ್ಣ ಅವರು ಸಾರ್ವಜನಿಕರಿಗೆ ನೀಲಿ ಮತ್ತು ಹಸಿರು ಬಕೆಟ್ ಗಳನ್ನು ವಿತರಣೆ ಮಾಡಿದರು.

ನಂತರ ಮಾತನಾಡಿ, ‘ಸ್ವಚ್ಛತೆ ಕಾಪಾಡಲು ಸಾರ್ವಜನಿಕರ ಸಹಕಾರ ಬಹಳ ಮುಖ್ಯವಾಗಿದೆ. ಕೊಟ್ಟ ಬಕೆಟ್‌ನಲ್ಲಿ ಒಣಕಸ, ಹಸಿ ಕಸವನ್ನು ಬೇರ್ಪಡಿಸಿ ಹಾಕಬೇಕು. ಇದರಿಂದ ಆರೋಗ್ಯ ಹಾಗೂ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಲು ಸಹಾಯವಾಗುತ್ತದೆ’ ಎಂದು ತಿಳಿಸಿದರು.

‘ಮಹಾನಗರ ಪಾಲಿಕೆಯ ಜೊತೆಗೆ ತಾವು ಸಹಕರಿಸಿ ಜನತಾ ಕಾಲೊನಿಯನ್ನು ಸ್ವಚ್ಛ ಕಾಲೊನಿ ಯನ್ನಾಗಿ ಮಾಡುವಲ್ಲಿ ಸಾರ್ವಜನಿಕರು ಸಹಕಾರ ಮಾಡಬೇಕು’ ಎಂದು ಮನವಿ ಮಾಡಿದರು.