ಸಂಚಾರ ಪೊಲೀಸ್‌ ಠಾಣೆ ಸೀಲ್‌ಡೌನ್‌

ರಾಯಚೂರು:ನಗರದ ಸಂಚಾರ ಪೊಲೀಸ್‌ ಠಾಣೆಯ ಹೆಡ್‌ ಕಾನ್‌ಸ್ಟೇಬಲ್‌ವೊಬ್ಬರಿಗೆ ಕೋವಿಡ್‌ ದೃಡವಾಗಿದ್ದು, ಠಾಣೆಯನ್ನು ಶನಿವಾರ ಸೀಲ್‌ಡೌನ್‌ ಮಾಡಿ ಸ್ಯಾನಿಟೈಜ್‌ ಮಾಡಲಾಗಿದೆ.

ಠಾಣೆಯಲ್ಲಿ ಕಾರ್ಯನಿರ್ವಹಿಸುವ ಕಾನ್‌ಸ್ಟೇಬಲ್‌ಗಳ ಗಂಟಲು ಮಾದರಿಗಳನ್ನು ಕೋವಿಡ್‌ ತಪಾಸಣೆಗಾಗಿ ಕಳುಹಿಸಲಾಗುತ್ತಿದೆ. ಕೋವಿಡ್‌ ದೃಢವಾಗಿರುವ ಕಾನ್‌ಸ್ಟೇಬಲ್‌, ಅನಾರೋಗ್ಯದಿಂದ ಮೂರು ದಿನಗಳಿಂದರಜೆ ಹಾಕಿದ್ದರು. ಗಂಟಲು ದ್ರವ ಮಾದರಿ ಪರೀಕ್ಷೆ ನಡೆಸಿದಾಗ ಸೋಂಕು ಪತ್ತೆಯಾಗಿದೆ. ಕೃಷಿ ವಿಶ್ವವಿದ್ಯಾಲಯದಲ್ಲಿರುವ ಕ್ವಾರಂಟೈನ್‌ ಕೇಂದ್ರಕ್ಕೆ ಕರ್ತವ್ಯಕ್ಕಾಗಿ ಹೋಗಿದ್ದಾಗ ಸೋಂಕು ತಗುಲಿರಬಹುದು ಎಂದು ತಿಳಿಸಲಾಗಿದೆ.

ಸಂಚಾರ ಠಾಣೆಯನ್ನು 48 ಗಂಟೆಗಳ ನಂತರ ಬಳಕೆ ಮಾಡಲಾಗುತ್ತದೆ.