ರಾಯಚೂರು: ಮಾಸ್ಕ್‌ ಧರಿಸದ ಬೈಕ್‌ ಸವಾರರಿಗೆ ದಂಡ

ರಾಯಚೂರು: ಜಿಲ್ಲೆಯಾದ್ಯಂತ ಪೊಲೀಸರು ವಿಶೇಷ ಕೋವಿಡ್‌ ಜಾಗೃತಿ ಆರಂಭಿಸಿದ್ದು, ಮಾಸ್ಕ್‌ ಧರಿಸದೆ ಬೈಕ್‌ನಲ್ಲಿ ಸಂಚರಿಸುವವರಿಗೆ ದಂಡ ವಿಧಿಸುತ್ತಿದ್ದಾರೆ.

ಪಿಎಸ್‌ಐ, ಸಿಪಿಐ ಹಾಗೂ ಡಿವೈಎಸ್‌ಪಿ ಕೂಡಾ ಜಾಗೃತಿ ಕಾರ್ಯದಲ್ಲಿ ತೊಡಗಿದ್ದು, ಜನರಿಗೆ ತಿಳಿವಳಿಕೆ ನೀಡುವ ಮೂಲಕ ದಂಡ ವಸೂಲಿ ಮಾಡಲಾಗುತ್ತಿದೆ. ಗ್ರಾಮೀಣ ಭಾಗದ ಬೈಕ್‌ ಸವಾರರಿಗೆ ತಲಾ ₹100 ಹಾಗೂ ನಗರದ ಬೈಕ್‌ ಸವಾರರಿಗೆ ₹200 ದಂಡ ವಿಧಿಸಲಾಗುತ್ತಿದೆ.

ಕಳೆದ ಮೂರು ದಿನಗಳಲ್ಲಿ 952 ಬೈಕ್‌ ಸವಾರರಿಗೆ ದಂಡ ವಿಧಿಸಲಾಗಿದೆ. ಜೂನ್‌ 24 ರಂದು 427 ಬೈಕ್‌ ಸವಾರರಿಗೆ ₹70,100 ದಂಡ ವಿಧಿಸಿದ್ದರೆ, ಜೂನ್‌ 25 ರಂದು 527 ಬೈಕ್‌ ಸವಾರರಿಂದ ಒಟ್ಟು ₹74,400 ದಂಡ ವಸೂಲಿ ಮಾಡಲಾಗಿದೆ.