ದೇವದುರ್ಗ: ಯೋಗ ತರಬೇತಿ ಶಿಬಿರ

ದೇವದುರ್ಗ: ‘ದೈಹಿಕ ಹಾಗೂ ಮಾನಸಿಕ ಸದೃಢತೆಗೆ ಯೋಗ ಸಹಕಾರಿ’ ಎಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಸಮಿತಿ ಅಧ್ಯಕ್ಷ ರಂಗಣ್ಣ ಪಾಟೀಲ ಅಳ್ಳುಂಡಿ ಹೇಳಿದರು.

ಪಟ್ಟಣದ ಕಾರಾಗೃಹದಲ್ಲಿ ಬುಧವಾರ ಕಾರಾಗೃಹ ಹಾಗೂ ಸುಧಾರಣೆ ಇಲಾಖೆ, ರಾಯಚೂರಿನ ಆರ್ಟ್ ಆಫ್ ಲಿವೀಂಗ್ ಸಹಯೋಗದಲ್ಲಿ ನಡೆದ ಯೋಗ ತರಬೇತಿ ಶಿಬಿರ ಉದ್ಘಾಟಿಸಿ ಮಾತನಾಡಿ,‘ಮನುಷ್ಯನ ಮನಸ್ಸು ಸದಾ ಚಂಚಲವಾಗಿರುತ್ತದೆ. ಸ್ಥಿರವಾದ ಮನಸ್ಸಿಗೆ ಯೋಗ, ಧ್ಯಾನ ಅಗತ್ಯ’ ಎಂದರು.

ಯೋಗ, ಧ್ಯಾನ ಆಧುನಿಕ ಜಗತ್ತಿನ ಒತ್ತಡಗಳನ್ನು ಸಹ ನಿಯಂತ್ರಿಸಲಿದೆ. ಯೋಗವನ್ನು ಇಂದಿನ ಎಲ್ಲ ವಯೋಮಾನದವರು ಅನುಸರಿಸಬೇಕಾದ ಅವಶ್ಯಕತೆ ಇದೆ ಎಂದರು.

ತಹಶೀಲ್ದಾರ್ ಶ್ರೀನಿವಾಸ ಚಾಪೆಲ್ ಮಾತನಾಡಿದರು.