ಮುಂಗಾರು ಬೆಳೆ ವಿಮೆಗೆ ಆದೇಶ

ಮಾಗಡಿ: ತಾಲ್ಲೂಕಿನ ಮುಂಗಾರು ಹಂಗಾಮಿನ ಹವಾಮಾನ ಆಧಾರಿತ ಕೃಷಿ ಬೆಳೆ ವಿಮಾ ಯೋಜನೆಯನ್ನು 2011-12ನೇ ಸಾಲಿಗೆ ವಿಮೆ ಮಾಡಿಸಲು ಕೃಷಿ ಇಲಾಖೆ ಸರ್ಕಾರದ ಆದೇಶದಂತೆ ಸೂಚನೆ ಹೊರಡಿಸಿದೆ ಎಂದು ಸಹಾಯಕ ಕೃಷಿ ನಿರ್ದೇಶಕ ಮಾದೇಗೌಡ ಪ್ರಕಟಣೆ ನೀಡಿದ್ದಾರೆ.

ಕಸಬಾ ಮತ್ತು ಕುದೂರು ಹೋಬಳಿಗಳ ರೈತ ಬಾಂದವರು ಜೂ.30ರೊಳಗೆ ರಾಷ್ಟ್ರೀಕೃತ ಬ್ಯಾಂಕ್‌ಗಳಲ್ಲಿ ನಿಗದಿ ಪಡಿಸಿರುವ ವಿಮಾ ಕಂತುಗಳನ್ನು ಪಾವತಿ ಮಾಡಿ ಸದರಿ ಸೌಲಭ್ಯಗಳನ್ನು ಪಡೆಯುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.

ಮುಂಗಾರು ಹಂಗಾಮಿನ ಹವಾಮಾನ ಆಧಾರಿತ ಕೃಷಿ ಬೆಳೆ ವಿಮಾ ಯೋಜನೆ ಕೃಷಿ ಬೆಳೆಗೆ ಆದ ನಷ್ಟದ ಪರಿಹಾರವನ್ನು ತುಂಬಿಕೊಡುವ ಒಂದು ಉತ್ತಮ ಯೋಜನೆಯಾಗಿದೆ.

ಮಳೆಯಾಶ್ರಿತ ರಾಗಿಗೆ ವಿಮೆ ಮೊತ್ತ ರೂ.10ಸಾವಿರ, ರೈತರು ಕಟ್ಟುವ ವಿಮಾ ಕಂತು ರೂ.250, ತೊಗರಿಗೆ ರೂ.12ಸಾವಿರ, ವಿಮಾಕಂತು ರೂ.300, ಮುಸುಕಿನ ಜೋಳಕ್ಕೆ ರೂ.10ಸಾವಿರ, ಕಂತಿನ ಹಣ ರೂ.250 ಆಗಿದೆ. ಹೆಚ್ಚಿನ ಮಾಹಿತಿಗಾಗಿ ರೈತ ಸಂಪರ್ಕ ಕೇಂದ್ರ ಅಥವಾ ಸಹಾಯಕ ಕೃಷಿ ನಿರ್ದೆಶಕರ ಕಛೇರಿಯಲ್ಲಿ ಸಂಪರ್ಕಿಸಿ ಮಾಹಿತಿ ಪಡೆದು ಕೊಂಡು ಅವಲತ್ತು ಪಡೆಯುವಂತೆ ಕೃಷಿ ಇಲಾಖೆಯ ಪ್ರಕಟಣೆ ತಿಳಿಸಿದೆ.