ರಾಮನಗರ | 17 ಕೊರೊನಾ ಸೋಂಕು ಪ್ರಕರಣ ವರದಿ

ರಾಮನಗರ: ಜಿಲ್ಲೆಯಲ್ಲಿ ಶುಕ್ರವಾರ 17 ಕೋವಿಡ್‌-19 ಪ್ರಕರಣಗಳು ವರದಿಯಾಗಿವೆ.

ಕಳೆದೊಂದು ವಾರದಿಂದ ಯಾವುದೇ ಪ್ರಕರಣಗಳು ವರದಿಯಾಗದೇ ಸೋಂಕು ಮುಕ್ತವಾಗುವತ್ತ ಹೆಜ್ಜೆ ಇಟ್ಟಿದ್ದ ಕನಕಪುರದಲ್ಲಿ ಈ ದಿನ ಎರಡು ಪ್ರಕರಣಗಳು ಪತ್ತೆಯಾಗಿವೆ. ರಾಮನಗರ ತಾಲ್ಲೂಕಿನ 12 ಮಂದಿಯಲ್ಲಿ ಸೋಂಕು ದೃಢಪಟ್ಟಿದೆ. ಚನ್ನಪಟ್ಟಣ 2, ಕನಕಪುರ 2, ಮಾಗಡಿ 1 ಪ್ರಕರಣಗಳು ವರದಿ ಆಗಿವೆ.

ಇದರಿಂದಾಗಿ ಸೋಂಕಿತರ ಒಟ್ಟು ಸಂಖ್ಯೆ 414ಕ್ಕೆ ಏರಿಕೆ ಆಗಿದೆ. ಇದರಲ್ಲಿ ಕನಕಪುರ 87, ಮಾಗಡಿ 138, ಚನ್ನಪಟ್ಟಣ 80 ಮತ್ತು ರಾಮನಗರದ 109 ಪ್ರಕರಣಗಳು ಸೇರಿವೆ. ಇವರಲ್ಲಿ 272 ಜನರು ಗುಣಮುಖರಾಗಿದ್ದರೆ, ಇನ್ನೂ 133 ಜನರು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ.