ನಾಳೆ ‘ಸೃಷ್ಟಿ-2020' ಮಹಿಳಾ ಸಮ್ಮೇಳನ, ಉಪನ್ಯಾಸ

ಶಿವಮೊಗ್ಗ: ಕುವೆಂಪು ರಂಗಮಂದಿರದಲ್ಲಿ ಮಾರ್ಚ್ 8ರ ಬೆಳಿಗ್ಗೆ 8.30ರಿಂದ ರಾತ್ರಿ 8.30ರವರೆಗೆ ‘ಸೃಷ್ಟಿ-2020' ಮಹಿಳಾ ಸಮ್ಮೇಳನ ಹಾಗೂ ಉಪನ್ಯಾಸ ಮಾಲಿಕೆಆಯೋಜಿಸಲಾಗಿದೆ.

ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ರೋಟರಿ ಕ್ಲಬ್‌ ಈಕಾರ್ಯಕ್ರಮ ಆಯೋಜಿಸಿದೆ.ರೋಟರಿ ಕ್ಲಬ್ ಭಾರತದಲ್ಲಿ ಆರಂಭವಾಗಿ 100 ವರ್ಷ ಪೂರೈಸಿದೆ. ಹಾಗಾಗಿ, ಮಹಿಳಾ ದಿನಾಚರಣೆ ವೈಶಿಷ್ಟಪೂರ್ಣವಾಗಿ ಆಚರಿಸಲು ನಿರ್ಧರಿಸಲಾಗಿದೆ.ಉಪನ್ಯಾಸ ಮಾಲಿಕೆಯಲ್ಲಿ ಮಹಿಳೆಯರ ಕುರಿತ ಪ್ರಮುಖ ವಿಷಯಗಳ ಚರ್ಚೆನಡೆಯಲಿದೆ ಎಂದು ರೋಟರಿಕ್ಲಬ್ ಶಿವಮೊಗ್ಗದ ಅಧ್ಯಕ್ಷೆ ಸುನೀತಾ ಶ್ರೀಧರ್ಶುಕ್ರವಾರಪತ್ರಿಕಾಗೋಷ್ಠಿಯಲ್ಲಿಮಾಹಿತಿ ನೀಡಿದರು.

ಅಂದುಬೆಳಿಗ್ಗೆ 9.30ಕ್ಕೆ ಬೆಂಗಳೂರು ರೋಟರಿ ಮಾಜಿ ಗವರ್ನರ್ ಮಧುರಾ ಛತ್ರಪತಿ ಸಮ್ಮೇಳನ ಉದ್ಘಾಟಿಸುವರು. ಶಿವಮೊಗ್ಗ ಜಿಲ್ಲಾ ಗವರ್ನರ್ ಬಿ.ಎನ್.ರಮೇಶ್, ಮೇಯರ್ ಸುವರ್ಣಾ ಶಂಕರ್, ಮೈಸೂರು ಜಿಲ್ಲಾ ಇನ್ನರ್‌ವ್ಹೀಲ್ಅಧ್ಯಕ್ಷೆ ಅನುರಾಧಾ ನಂದಕುಮಾರ್, ರೋಟರಿ ಸಹಾಯಕ ಗವರ್ನರ್ ಎಂ.ಮುರುಳಿ, ಮಹಿಳಾ ಸದಸ್ಯತ್ವ ಅಭಿವೃದ್ಧಿಅಧ್ಯಕ್ಷೆಡಾ.ಬಿ.ಕೆ. ಸೌಮ್ಯರಾಣಿ ಉಪಸ್ಥಿತರಿರುವರು ಎಂದರು.

ಬೆಳಿಗ್ಗೆ 10.30ಕ್ಕೆ ಸ್ತ್ರೀ ಸ್ವಾತಂತ್ರ್ಯ ಸ್ಥಿತಿ-ಗತಿ ಕುರಿತು ರಂಗಕರ್ಮಿಸೇತುರಾಮ್, 11.30ಕ್ಕೆ ಮಕ್ಕಳಾಟವಲ್ಲ, ಮಕ್ಕಳ ಪಾಲನೆ-ಮಹಿಳೆಯರ ಪಾತ್ರ ಕುರಿತು ಮನೋರೋಗ ತಜ್ಞೆ ಡಾ.ಗೀತಾ ದೇಸಾಯಿ ಉಪನ್ಯಾಸ ನೀಡುವರು.ಮಧ್ಯಾಹ್ನ ಮಹಿಳೆಯರಿಗೆ ಆಟೋಟ ಸ್ಪರ್ಧೆ ಇರುತ್ತದೆ. ಸ್ವಯಂ ರಕ್ಷಣೆ ಕುರಿತು ಕಿರುತೆರೆ ಕಲಾವಿದೆ ಜಯಲಕ್ಷ್ಮೀ ಪಾಟೀಲ್ ಪ್ರಾತ್ಯಕ್ಷಿಕೆಯ ಉಪನ್ಯಾಸ ನೀಡುವರು ಎಂದು ವಿವರ ನೀಡಿದರು.

ಮಧ್ಯಾಹ್ನ 3ಕ್ಕೆ ಆಕಾಶವಾಣಿ ನಿವೃತ್ತ ಉದ್ಘೋಷಕಿ ರಾಣಿ ರತ್ನರಾವ್ ವಿಚಾರಗೋಷ್ಠಿ ನಡೆಸಿಕೊಡುವರು.ಮಹಿಳೆಯರ ಹಕ್ಕುಗಳು ಮತ್ತು ಶೋಷಣೆ ಕುರಿತು ನ್ಯಾಯಾಧೀಶರಾದ ಇಷ್ರತ್ ಜಹನ್ ಆರಾ, ಮಹಿಳೆಯರ ಸ್ವಶಕ್ತತೆ ಮತ್ತು ಸಬಲೀಕರಣ ಕುರಿತು ಉದ್ಯಮಿ ಪದ್ಮಾಶೇಷಾದ್ರಿ, ಮಹಿಳೆಯರ ಮಾನಸಿಕ ಸ್ಥಿತಿಗತಿ ಕುರಿತು ಆಪ್ತ ಸಮಾಲೋಚಕಿ ಶಾಂತಾ ನಾಗರಾಜ್ ಉಪನ್ಯಾಸ ನೀಡುವರು ಎಂದು ಮಾಹಿತಿ ನೀಡಿದರು.

ಸಂಜೆ 5ಕ್ಕೆರೋಟರಿ ಮಹಿಳಾ ಸದಸ್ಯರಿಂದ ಮನೋರಂಜನಾ ಕಾರ್ಯಕ್ರಮ ನಡೆಯಲಿದೆ.ಸಂಜೆ 6.30ಕ್ಕೆ ಹಾಸ್ಯದೊಂದಿಗೆ ಸರಳ ಜೀವನ ಮೌಲ್ಯಗಳು ವಿಷಯ ಕುರಿತು ಸಂಧ್ಯಾಶಣೈ ಉಪನ್ಯಾಸ ನೀಡುವರು.ರಾತ್ರಿ 7.30ಕ್ಕೆ ನಡೆಯುವ ಸಮಾರೋಪದಲ್ಲಿಜಿಲ್ಲಾ ಪಂಚಾಯಿತಿಸಿಇಒ ಎಂ.ಎಲ್.ವೈಶಾಲಿ,ಹೆಚ್ಚುವರಿಜಿಲ್ಲಾಧಿಕಾರಿ ಜಿ.ಅನುರಾಧಾ,ಉಪ ಮೇಯರ್ ಸುರೇಖಾ ಮುರಳೀಧರ್ ಭಾಗವಹಿಸುವರು ಎಂದರು.

ಪತ್ರಿಕಾಗೋಷ್ಠಿಯಲ್ಲಿ ಡಾ.ಪಿ.ನಾರಾಯಣ್, ಡಾ.ಕಂಚನ್ ಕುಲಕರ್ಣಿ,ಡಾ.ರಕ್ಷಾರಾವ್ಇದ್ದರು.