49 ಮಳಿಗೆಗೆ ಬೀಗ

ಮಧುಗಿರಿ: ಪುರಸಭೆಗೆ ಸೇರಿದ ವಾಣಿಜ್ಯ ಮಳಿಗೆಗಳನ್ನು ಭೋಗ್ಯ ಪಡೆದವರು ಖಾಲಿ ಮಾಡಲು ಹಿಂದೇಟು ಹಾಕಿದ್ದರಿಂದ ಪೊಲೀ
ಸರ ಸಮ್ಮುಖದಲ್ಲಿ ಬುಧವಾರ 49 ಅಂಗಡಿಗಳಿಗೆ ಅಧಿಕಾರಿಗಳು ಬೀಗ ಹಾಕಿದರು.

ಪುರಸಭೆಗೆ ಸೇರಿದ 87 ವಾಣಿಜ್ಯ ಮಳಿಗೆಗಳ ಒಪ್ಪಂದ ವನ್ನು ಹೈಕೋರ್ಟ್ ರದ್ದುಗೊಳಿಸಿ ಆದೇಶ ನೀಡಿತ್ತು. ಈಗಾಗಲೇ ಬಾಡಿಗೆದಾರರಿಗೆ ಮಳಿಗೆ ಖಾಲಿಮಾಡುವಂತೆ ನೋಟಿಸ್ ನೀಡ ಲಾಗಿತ್ತು. ಆದರೆ ಬಾಡಿಗೆದಾರರು ನೋಟಿಸ್‌ಗೆ ಉತ್ತರ ನೀಡದೇ ವ್ಯಾಪಾರ ಮುಂದುವರೆಸಿದ್ದರು.

ಬುಧವಾರ ಬೆಳಿಗ್ಗೆ ಪುರಸಭೆ ಅಧಿಕಾರಿಗಳು ಹಾಗೂ ಪೊಲೀಸರ ತೆರಳಿ ಸಾಮಗ್ರಿಗಳ ಸಮೇತ ಮಳಿಗೆಗಳಿಗೆ ಬೀಗ ಹಾಕಿದ್ದಾರೆ.

ಪುರಸಭೆ ಮುಖ್ಯಾಧಿಕಾರಿ ಅಮರನಾರಾಯಣ ಮಾತನಾಡಿ, ಈಗಾಗಲೇ 7 ಅಂಗಡಿಗಳು ಖಾಲಿಯಾಗಿದ್ದು, 49 ಅಂಗಡಿಗಳಿಗೆ ಬೀಗ ಹಾಕಲಾಗಿದೆ. 7 ದಿನಗಳಲ್ಲಿ ಅಂಗಡಿಯೊಳಗಿರುವ ಸಾಮಗ್ರಿಗಳನ್ನು ತೆಗೆದುಕೊಂಡು ಹೋಗಲು ಕಾಲಾವಕಾಶ ನೀಡಲಾಗಿದೆ ಎಂದರು.

ಸಿಪಿಐ ಎಂ.ಎಸ್.ಸರ್ದಾರ್, ಸಿಪಿಐ ಮಂಗಳಗೌರಮ್ಮ , ಹನುಮಂತರಾಯಪ್ಪ ಇದ್ದರು.