ಕೊಲೆ ಯತ್ನ: ಏಳು ಜನರ ವಿರುದ್ಧ ಪ್ರಕರಣ

ಕೊರಟಗೆರೆ: ಪಾರಿವಾಳ ಮಾರಾಟಕ್ಕೆ ಸಂಬಂಧಿಸಿದಂತೆ ಯುವಕರ ನಡುವೆ ಗಲಾಟೆ ನಡೆದು, ನಾಲ್ವರು ಬಾಲಕರು ಸೇರಿದಂತೆ 7 ಜನರ ವಿರುದ್ಧ ಕೊಲೆ ಯತ್ನ ಪ್ರಕರಣ ದಾಖಲಾಗಿದೆ.

ಪಾರಿವಾಳ ಮಾರಾಟದಲ್ಲಿ ಹಣ ನೀಡುವ ವಿಚಾರದಲ್ಲಿ ಪ್ರಾರಂಭವಾದ ಜಗಳ ಹುಡುಗರನ್ನು ಗುಂಪು ಕಟ್ಟಿಕೊಂಡು ಲಾಂಗು, ಮಚ್ಚು ಹಿಡಿದು ಹೊಡೆದಾಡುವ ಸ್ಥಿತಿ ತಲುಪಿತ್ತು. ಪಟ್ಟಣದ ನಿವಾಸಿಗಳಾದ ಸಂಜು(19), ಕಿಶೋರ(19), ವರ್ಧನ್(19) ಸೇರಿದಂತೆ ಇತರೆ ನಾಲ್ವರು ಬಾಲಕರ ವಿರುದ್ಧ ಪ್ರಕರಣ ದಾಖಲಾಗಿದೆ.