ಜೂಜು: 11 ಮಂದಿ ಬಂಧನ

ತುಮಕೂರು: ಕ್ಯಾತ್ಸಂದ್ರ ಪೊಲೀಸ್ ಠಾಣೆ ವ್ಯಾಪ್ತಿಯ ಡಣನಾಯ್ಕನಪುರದ ಬೆಟ್ಟದ ಬುಡದಲ್ಲಿ ಸೋಮವಾರ ಸಂಜೆ ಜೂಜಾಡುತ್ತಿದ್ದ 11 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ₹ 45 ಸಾವಿರ ಹಾಗೂ 4 ಬೈಕ್ ವಶಪಡಿಸಿಕೊಂಡಿದ್ದಾರೆ.

ಮಾರನಾಯ್ಕನಪಾಳ್ಯದ ರಾಘವೇಂದ್ರ, ಬಿದಿರುಮೆಳೆ ತೋಟದ ಇಲಿಯಾಸ್, ರಕ್ಷಿತ್, ಕೆಸರುಮಡುವಿನ ನಾಗೇಶ್, ರಾಮನಹಳ್ಳಿಯ ಹೊನ್ನೇಗೌಡ, ದೇವರಾಯಪಟ್ಟಣದ ಯೋಗೀಶ್, ಹನುಮಂತಪುರದ ಗಂಗರಾಜು, ವಿನಯ್ ಕುಮಾರ್, ದೇವನೂರಿನ ಭಾಸ್ಕರ್, ಬಡ್ಡಿಹಳ್ಳಿಯ ಪುನೀತ್, ಶಿರಾಗೇಟ್ ಸಾಡೇಪುರದ ಮಧುಕುಮಾರ್ ಬಂಧಿತರು.