ಮಧುಗಿರಿ: ಕೋಡಿ ಹರಿದ ಗೂಬಲಗುಟ್ಟೆ ಕೆರೆ

ಮಧುಗಿರಿ: ತಾಲ್ಲೂಕಿನ ದೊಡ್ಡೇರಿ ಹೋಬಳಿ ಗೂಬಲಗುಟ್ಟೆ ಕೆರೆ ಇತ್ತೀಚೆಗೆ ಸುರಿದ ಮಳೆಯಿಂದಾಗಿ ನೀರು ಶೇಖರಣೆಗೊಂಡು ಸೋಮವಾರ ರಾತ್ರಿಯ ಮಳೆಗೆ ಕೋಡಿ ಬಿದ್ದರುವುದರಿಂದ ಗ್ರಾಮಸ್ಥರು ಹಾಗೂ ರೈತರ ಮುಖದಲ್ಲಿ ಸಂತಸ ಮೂಡಿದೆ.

ತಾಲ್ಲೂಕಿನಲ್ಲಿ ನಿರಂತರವಾಗಿ ಸುರಿದ ಮಳೆಯಿಂದಾಗಿ ಹಲವು ಹಳ್ಳ, ಕುಂಟೆಗಳಿಗೆ ನೀರು ತುಂಬಿ ಹರಿಯುತ್ತಿರುವುದರಿಂದ ಕೆರೆಗಳು ಕೋಡಿ ಬೀಳುತ್ತವೆ. ಹೀಗೆ ಮಳೆ ಮುಂದುವರೆದರೆ ಎಲ್ಲ ಕೆರೆಗಳು ತುಂಬಿ ಅಂತರ್ಜಲ ಮಟ್ಟ ಹೆಚ್ಚಾದರೆ ಸಾಕಷ್ಟು ಅನುಕೂಲವಾಗುತ್ತದೆ ಎಂದು ರೈತರು ಹೇಳಿದರು.

ಗೂಬಲಗುಟ್ಟೆ ಕೆರೆ ಕೋಡಿ ಬಿದ್ದಿರುವುದರಿಂದ ತೋವಿನಕೆರೆ ಹಾಗೂ ದೊಡ್ಡೇರಿ ಹೋಬಳಿ ರೈತರು ಭೇಟಿ ನೀಡಿ ಕೆರೆ ವೀಕ್ಷಿಸಿದರು.