ವಿಷಪೂರಿತ ನೀರು ಕುಡಿದು ಮೂರು ಮೇಕೆ ಸಾವು

ಕೋರ: ಹೋಬಳಿ ಸಮೀಪವಿರುವ ರಾಮಗೊಂಡನಹಳ್ಳಿ ಬಳಿ ವಿಷಪೂರಿತ ನೀರು ಕುಡಿದು ಮೂರು ಮೇಕೆಗಳು ಭಾನುವಾರ ಸಾವನ್ನಪ್ಪಿವೆ.

ರಾಮಗೊಂಡನಹಳ್ಳಿಯ ಹುಲಿಯಪ್ಪ ಎಂಬುವವರು ಮೇಕೆಗಳನ್ನು ಮೇಯಿಸಲು ತೆರಳಿದ್ದರು. ಆ ವೇಳೆ ಹಿರೇಗುಂಡಗಲ್ ಬಳಿ ಇರುವ ತೋಟದಲ್ಲಿ ನೀರು ಕುಡಿದ 6 ಮೇಕೆಗಳ ಪೈಕಿ ಮೂರು ಸ್ಥಳದಲ್ಲೇ ಮೃತಪಟ್ಟಿವೆ. ಮೂರು ಮೇಕೆಗಳಿಗೆ ತಕ್ಷಣ ಪ್ರಥಮ ಚಿಕಿತ್ಸೆ ನೀಡಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿವೆ.

ಸ್ಥತಳಕ್ಕೆ ರಾಮಗೊಂಡನಹಳ್ಳಿ ಪಶುವೈದ್ಯಾಧಿಕಾರಿ ಶ್ರೀಧರ್ ಭೇಟಿ ನೀಡಿ ಪರಿಶೀಲಿಸಿದರು.