ನೀರಿನಲ್ಲಿ ಮುಳುಗಿ ಲೈನ್ ಮ್ಯಾನ್ ಸಾವು

ತುಮಕೂರು: ಕೆರೆ ಮಧ್ಯೆ ನೀರಿನಲ್ಲಿ ಕಡಿದು ಬಿದ್ದಿದ್ದ ವಿದ್ಯುತ್ ತಂತಿಯನ್ನು ಸರಿಪಡಿಸಲು ತೆರಳಿದ್ದ ಲೈನ್ ಮ್ಯಾನ್ ನೀರಿನಲ್ಲಿ ಮುಳುಗಿ ಮೃತಪಟ್ಟಿರುವ ಘಟನೆ ಗುಬ್ಬಿ ತಾಲ್ಲೂಕಿನ ತಿಪ್ಪೂರಿನಲ್ಲಿ ಶನಿವಾರ ನಡೆದಿದೆ.

ಮಹೇಶ್‌ಗೌಡ (40) ಮೃತಪಟ್ಟವರು. ನೀರಿನಲ್ಲಿ ಈಜುತ್ತಾ ಹೋಗುವಾಗ ಸುಸ್ತಾಗಿ ಮುಳುಗಿದ್ದಾರೆ ಎಂದು ತಿಳಿದು ಬಂದಿದೆ. ಅಗ್ನಿಶಾಮಕ ದಳದವರು ಸ್ಥಳಕ್ಕೆ ಬಂದಿದ್ದು, ಶವಕ್ಕಾಗಿ ಶೋಧ ಕಾರ್ಯ ನಡೆಸಿದ್ದಾರೆ.