ತುಮಕೂರು: ಇವಿಎಂ-ವಿವಿಪ್ಯಾಟ್ ಹೊತ್ತು ಮತಗಟ್ಟೆಗಳ ಕಡೆ ತೆರಳಿದ ಚುನಾವಣಾ ಸಿಬ್ಬಂದಿ

ಚಿಕ್ಕನಾಯಕನಹಳ್ಳಿ: ಪಟ್ಟಣದ ಸರ್ಕಾರಿ ಪದವಿಪೂರ್ವ ಶಿಕ್ಷಣ ಕಾಲೇಜಿನ ಸ್ಟ್ರಾಂಗ್ ರೂಮ್‌ನಲ್ಲಿ ಚುನಾವಣಾ ಪೂರ್ವ‌ ತರಬೇತಿ ಪಡೆದ ಚುನಾವಣೆ ಸಿಬ್ಬಂದಿ, ಅವರಿಗೆ ನಿಗದಿಯಾದ ಮತಗಟ್ಟೆ ಕಡೆಗೆ ಗುರುವಾರ ಮಧ್ಯಾಹ್ನ ಇವಿಎಂ ಮತ್ತು ವಿವಿಪ್ಯಾಟ್ ಯಂತ್ರಗಳೊಂದಿಗೆ ಹೆಜ್ಜೆ ಹಾಕಿದರು.

ತಾಲ್ಲೂಕು ಕೇಂದ್ರದಿಂದ ಮಧ್ಯಾಹ್ನ ಹೊರಟ ಚುನಾವಣಾ ಸಿಬ್ಬಂದಿ ಅದೇ ದಿನ ಸಂಜೆಯೊಳಗೆ ತಮಗೆ ನಿಗದಿಯಾದ ಮತಗಟ್ಟೆಗಳಿರುವ ಊರುಗಳ ಸರ್ಕಾರಿ ಶಾಲೆಗಳನ್ನು ಸೇರಿಕೊಳ್ಳಬೇಕಿದೆ.

ಚುನಾವಣಾ ಸಿಬ್ಬಂದಿ ರಾತ್ರಿ ತಂಗಲಿರುವ ಶಾಲೆಗಳ ಬಳಿ ಭದ್ರತೆ ಹಾಗೂ ಅವರಿಗೆ ಅಗತ್ಯ ಊಟ-ಉಪಹಾರಗಳ ವ್ಯವಸ್ಥೆ ಮಾಡಲಾಗಿದೆ.