ಉಡುಪಿ: 50 ಮಂದಿಗೆ ಪಾಸಿಟಿವ್, ಒಬ್ಬರು ಸಾವು

ಉಡುಪಿ: ಜಿಲ್ಲೆಯಲ್ಲಿ ಬುಧವಾರ 50 ಮಂದಿಗೆ ಕೋವಿಡ್‌–19 ದೃಢಪಟ್ಟಿದ್ದು, ಉಡುಪಿಯ 45 ವರ್ಷದ ವ್ಯಕ್ತಿ ಸೋಂಕಿನಿಂದ ಮೃತಪಟ್ಟಿದ್ದಾರೆ.

ಉಡುಪಿಯ 30, ಕುಂದಾಪುರದ 7 ಹಾಗೂ ಕಾರ್ಕಳದ 13 ಮಂದಿಗೆ ಸೋಂಕು ತಗುಲಿದ್ದು, 27 ಪುರುಷರು, 23 ಮಹಿಳೆಯರು ಸೇರಿದ್ದಾರೆ. ಬುಧವಾರ 61 ಸೇರಿ ಇದುವರೆಗೂ 21,402 ಸೋಂಕಿತರು ಗುಣಮುಖರಾಗಿದ್ದಾರೆ. 451 ಸಕ್ರಿಯ ಸೋಂಕು ಪ್ರಕರಣಗಳಿವೆ.

ಒಟ್ಟು ಪ್ರಕರಣಗಳು 22,035 ಇದ್ದು, ಮೃತಪಟ್ಟ ಸೋಂಕಿತರ ಸಂಖ್ಯೆ 184ಕ್ಕೆ ಏರಿಕೆಯಾಗಿದೆ.