ಉಡುಪಿ: ಡಿ.12 ಹಾಗೂ 14ರಂದು ಜಿಮಿನಿಡ್ ಉಲ್ಕಾವೃಷ್ಟಿ ಗೋಚರಿಸಲಿದ್ದು, ಸೌರವ್ಯೂಹದ ಈ ಕೌತುಕವನ್ನು ಸಾರ್ವಜನಿಕರು ಕಣ್ತುಬಿಕೊಳ್ಳಬಹುದು ಎಂದು ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘ ತಿಳಿಸಿದೆ.
ಉಲ್ಕಾವೃಷ್ಟಿ ವೀಕ್ಷಣೆಗೆ ಕತ್ತಲಿನ ಪ್ರದೇಶ ಸೂಕ್ತವಾಗಿದ್ದು, ರಾತ್ರಿ 8.30ರಿಂದ ಸೂರ್ಯೋದಯದವರೆಗೆ ಕಾಣಬಹುದು. ರಾತ್ರಿ 1ರಿಂದ ಮುಂಜಾನೆ 4ರವರೆಗೆ ಅವಧಿ ಉಲ್ಕೆಯ ವೀಕ್ಷಣೆಗೆ ವೀಕ್ಷಣೆಗೆ ಸೂಕ್ತವಾಗಿದೆ. ಕಾರಣ ಈ ಅವಧಿಯಲ್ಲಿ ನಕ್ಷತ್ರ ಪುಂಜವು ಕ್ಷಿತಿಜದಿಂದ ಮೇಲೆ ಕಾಣುವುದರಿಂದ ಸ್ಪಷ್ಟವಾಗಿ ಉಲ್ಕೆಗಳನ್ನು ವೀಕ್ಷಿಸಬಹುದು.
ಜೆಮಿನಿಡ್ ಉಲ್ಕಾವೃಷ್ಟಿಯು ‘3200 ಫೆಥನ್’ ಎಂಬ ಕ್ಷುದ್ರಗ್ರಹದಿಂದ ಉಧ್ಭವಿಸುತ್ತದೆ. ಈ ಕ್ಷುದ್ರಗ್ರಹದ ಅವಶೇಷಗಳು ಹೆಚ್ಚಾಗಿರುವುದರಿಂದ ಜೆಮಿನಿಡ್ ಉಲ್ಕಾವೃಷ್ಟಿಯೂ ಕುತೂಹಲಕಾರಿ ವಿದ್ಯಮಾನವಾಗಿದೆ. ಗಂಟೆಗೆ 120ರಷ್ಟು ಉಲ್ಕೆಗಳನ್ನು ವೀಕ್ಷಿಸಬಹುದು ಎಂದು ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.