ಪ್ರಗತಿಪರ ಕೃಷಿಕ ಸೀತಾನದಿ ರಮೇಶ ಹೆಗ್ಡೆ ನಿಧನ

ಹೆಬ್ರಿ: ಕಾಂಗ್ರೆಸ್‌ ಮುಖಂಡ, ಪ್ರಗತಿಪರ ಕೃಷಿಕ ಸೀತಾನದಿ ರಮೇಶ ಹೆಗ್ಡೆ (58) ಬುಧವಾರ ಸಂಜೆ ತಮ್ಮ ಫಾರ್ಮ್‌ ಹೌಸ್‌ನಲ್ಲಿ ಹೃದಯಾಘಾತದಿಂದ ನಿಧನರಾದರು.

ಅವರಿಗೆ ಪತ್ನಿ, ಪುತ್ರ ಇದ್ದಾರೆ. ಅಜಾತಶತ್ರು ಆಗಿದ್ದ ರಮೇಶ ಹೆಗ್ಡೆ ಅವರು ಯುವಕರ ಕಣ್ಮಣಿಯಾಗಿದ್ದರು. ಸ್ಥಳೀಯ ನಾಯಕರಾಗಿದ್ದುಕೊಂಡು, ಮುಖ್ಯವಾಹಿನಿಗೆ ಬರದೆ ತೆರೆ ಮರೆಯಲ್ಲೇ ಜನಸೇವೆ ಮಾಡುತ್ತಿದ್ದರು. ತಂದೆ– ತಾಯಿಯೊಂದಿಗೆ ಸೀತಾನದಿಯ ಮನೆಯಲ್ಲೇ ವಾಸವಿದ್ದರು. ಹೊರದೇಶದಿಂದ ಸಹೋದರರು ಬಂದ ಬಳಿಕ ಅಂತ್ಯಕ್ರಿಯೆ ನಡೆಯಲಿದೆ.