ಹಿರೇಕುಂಬಳಗುಂಟೆ ಗ್ರಾ.ಪಂ: ಜಿ. ಚಂದ್ರಮ್ಮ ಅಧ್ಯಕ್ಷೆ

ಕೂಡ್ಲಿಗಿ: ತಾಲ್ಲೂಕಿನ ಹಿರೇಕುಂಬಳಗುಂಟೆ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾಗಿ ಜಿ. ಚಂದ್ರಮ್ಮ, ಉಪಾಧ್ಯಕ್ಷರಾಗಿ ದುರುಗಮ್ಮ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಶುಕ್ರವಾರ ಗ್ರಾಮ ಪಂಚಾಯಿಯಲ್ಲಿ ನಡೆದ ಚುನಾವಣೆಯಲ್ಲಿ ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಹಿರೇಕುಂಬಳಗುಂಟೆ ಕ್ಷೇತ್ರ-3ರ ಸದಸ್ಯೆ ಜಿ. ಚಂದ್ರಮ್ಮ ಹಾಗೂ ಪರಿಶಿಷ್ಟ ಜಾತಿಗೆ ಮೀಸಲಾಗಿದ್ದ ಉಪಾಧ್ಯಕ್ಷ ಸ್ಥಾನಕ್ಕೆ ಬಯಲುತುಂಬಗುದ್ದಿ ಕ್ಷೇತ್ರ-5ರ ಸದಸ್ಯೆ ದುರುಗಮ್ಮ ಮಾತ್ರ ನಾಮ ಪತ್ರ ಸಲ್ಲಿಸಿದ್ದರು.

ಚುನಾವಣಾಧಿಕಾರಿಯಾಗಿ ತಹಶೀಲ್ದಾರ್ ವಿ.ಕೆ. ನೇತ್ರಾವತಿ ಕಾರ್ಯನಿರ್ವಹಿಸಿದರು.

ಗ್ರಾಮ ಪಂಚಾಯಿತಿಯ ಒಟ್ಟು 23 ಸದಸ್ಯರಲ್ಲಿ 22 ಜನ ಹಾಜರಿಯಾಗಿದ್ದರು. ಅಭಿವೃದ್ಧಿ ಅಧಿಕಾರಿ ನಿಂಗಪ್ಪ, ಚುನಾವಣಾ ವಿಭಾಗದ ಮಂಜುನಾಥ, ವಾಸುದೇವ, ಗ್ರಾಮ ಆಡಳಿತಾಧಿಕಾರಿ ಸಂಪ್ರಿತ ಭಾಗಿಯಾಗಿದ್ದರು.