ಅತ್ಯಧಿಕ ಮತದ ದಾಖಲೆ ಎಂ.ಬಿ. ಪಾಟೀಲ ‘ಕೈ’ಗೆ..!

ವಿಜಯಪುರ: 2004ರ ವಿಧಾನಸಭಾ ಚುನಾವಣೆಯಲ್ಲಿ ವಿಜಯಪುರದಿಂದ ಸ್ಪರ್ಧಿಸಿ ಗೆಲುವು ಸಾಧಿಸಿದ್ದ ಅಪ್ಪಾಸಾಹೇಬ ಪಟ್ಟಣಶೆಟ್ಟಿ ಗಳಿಸಿದ್ದ 70001 ಮತಗಳೇ ಇದೂವರೆಗಿನ ಅತ್ಯಧಿಕ ಮತಗಳಾಗಿದ್ದವು.

ಬಬಲೇಶ್ವರ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಎಂ.ಬಿ.ಪಾಟೀಲ ಪ್ರಸಕ್ತ ಚುನಾವಣೆಯಲ್ಲಿ 98,339 ಮತ ಗಳಿಸಿ ಶಾಸಕರಾಗಿ ಆಯ್ಕೆಯಾಗುವ ಮೂಲಕ ಜಿಲ್ಲೆಯಲ್ಲಿ ಅತ್ಯಧಿಕ ಮತ ಗಳಿಸಿದ ಶಾಸಕ ಎಂಬ ದಾಖಲೆಗೆ ಭಾಜನರಾಗಿದ್ದಾರೆ.

ಬಬಲೇಶ್ವರ ಕ್ಷೇತ್ರದ ಎಲ್ಲ ಹಳ್ಳಿಗಳಲ್ಲಿ ಬಿಜೆಪಿ–ಕಾಂಗ್ರೆಸ್ ತೀವ್ರ ಜಿದ್ದಾಜಿದ್ದಿನ ಹೋರಾಟ ನಡೆದಿತ್ತು. ರಾಷ್ಟ್ರ, ರಾಜ್ಯಮಟ್ಟದ ನಾಯಕರು, ಅನೇಕ ಸ್ವಾಮೀಜಿಗಳು ಕೂಡಾ ಪಾಟೀಲ ವಿರುದ್ಧ ಪ್ರಚಾರ ನಡೆಸಿದ್ದರು. ಆದರೂ ಕೂಡಾ ಗೆಲುವಿನ ದಡ ಸೇರಿರುವುದು ಬೆಂಬಲಿಗರಿಗೆ ಸಮಾಧಾನ ಉಂಟಾಗಿದೆ.