ಊಟ ಬಡಿಸುವಾಗ ಕಡ್ಡಾಯವಾಗಿ ಸಮವಸ್ತ್ರ ಧರಿಸಿ: ಶಾಸಕ ಯಶವಂತರಾಯಗೌಡ

ಇಂಡಿ : ಸಮವಸ್ತ್ರ ವಿತರಣೆ ಮೂಲಕ ಬಿಸಿಯೂಟ ಸಿಬ್ಬಂದಿಯಲ್ಲಿ ಶಿಸ್ತು ಮತ್ತು ಸ್ವಚ್ಛತೆಯ ಅರಿವು ಮೂಡಿಸುವುದು ಹಾಗೂ ಸ್ವ ಸಹಾಯ ಗುಂಪುಗಳಿಗೆ ಉದ್ಯೋಗಾವಕಾಶ ಕಲ್ಪಿಸುವ ಉದ್ದೇಶವಿದೆ ಎಂದು ಶಾಸಕ ಯಶವಂತರಾಯಗೌಡ ಪಾಟೀಲ ಹೇಳಿದರು.

ಪಟ್ಟಣದ ಪ್ರವಾಸಿ ಮಂದಿರದ ಆವರಣದಲ್ಲಿ ಗುರುವಾರ ನಡೆದ ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ಎನ್ಆರ್‌ಎಲ್ಎಂ ಸಹಯೋಗದಲ್ಲಿ ಬಿಸಿಯೂಟ ಸಿಬ್ಬಂದಿಗೆ ಸಮವಸ್ತ್ರ ವಿತರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ತಾಲ್ಲೂಕಿನ 750 ಬಿಸಿಯೂಟ ಸಿಬ್ಬಂದಿಗೆ 2 ಏಫ್ರಾನ್, 2 ಶರ್ಟ್‌ ಹಾಗೂ 2 ಟೋಪಿ ನೀಡಲಾಗುವದು. ಕಳೆದ ಹತ್ತು ವರ್ಷಗಳಿಂದ ಈ ರೀತಿ ವ್ಯವಸ್ಥೆ ಇರಲಿಲ್ಲ. ಇದೇ ಮೊದಲ ಬಾರಿಗೆ ನೀಡಲಾಗುತ್ತಿದೆ.ಊಟ ಬಡಿಸುವಾಗ ಈ ಸಮವಸ್ತ್ರ ಧರಿಸುವುದು ಕಡ್ಡಾಯವಾಗಿದೆ ಎಂದರು.

 ತಾ.ಪಂ ಇಒ ಸುನೀಲ ಮದ್ದೀನ, ಕ್ಷೇತ್ರ ಶಿಕ್ಷಣಾಧಿಕಾರಿ ವಸಂತ ರಾಠೋಡ, ಎನ್ಆರ್‌ಎಲ್‌ಎಂ ಅಧಿಕಾರಿ ಸಿ.ಬಿ.ದೇವರಮನಿ, ಬಿಸಿಯೂಟ ಅಧಿಕಾರಿ ಎಂ.ಎಚ್,ಯರಗುದ್ರಿ , ಬಸವರಾಜ ಗೋರನಾಳ ಇದ್ದರು.