ವಿಜಯಪುರ: ವೃಂದ, ನೇಮಕಾತಿ ನಿಯಮ ಬದಲಾವಣೆಗೆ ಜಿಲ್ಲಾಧಿಕಾರಿಗೆ ಮನವಿ

ವಿಜಯಪುರ: ಪ್ರಾಥಮಿಕ ಶಾಲಾ ಶಿಕ್ಷಕರ 'ವೃಂದ ಮತ್ತು ನೇಮಕಾತಿ ನಿಯಮ' ಬದಲಾಯಿಸಿ ಪ್ರಾಥಮಿಕ ಶಾಲಾ ಶಿಕ್ಷಕರಿಗೆ ಆಗಿರುವ ಅನ್ಯಾಯ ಸರಿಪಡಿಸಿ, ನ್ಯಾಯಯುತ ಬೇಡಿಕೆ ಈಡೇರಿಸುವಂತೆ ಒತ್ತಾಯಿಸಿ ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ವತಿಯಿಂದ ಮಂಗಳವಾರ ಅಪರ ಜಿಲ್ಲಾಧಿಕಾರಿ ಸೋಮಲಿಂಗ ಗೆಣ್ಣೂರ ಅವರ ಮೂಲಕ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಯಿತು.

ಮನವಿ ಸಲ್ಲಿಸಿ ಮಾತನಾಡಿದ ಶಿಕ್ಷಕರ ಸಂಘದ ಜಿಲ್ಲಾಧ್ಯಕ್ಷ ಅರ್ಜುನ ಲಮಾಣಿ ಪ್ರಾಥಮಿಕ ಶಾಲಾ ಶಿಕ್ಷಕರ ’ವೃಂದ ಮತ್ತು ನೇಮಕಾತಿ ನಿಯಮ’ ಬದಲಾಯಿಸಿ ಪ್ರಾಥಮಿಕ ಶಾಲಾ ಶಿಕ್ಷಕರಿಗೆ ಆಗಿರುವ ಅನ್ಯಾಯವನ್ನು ಸರಿಪಡಿಸಿ, ನ್ಯಾಯಯುತ ಬೇಡಿಕೆ ಈಡೇರಿಸುವಂತೆ ಒತ್ತಾಯಿಸಿ ಒತ್ತಾಯಿಸಿದರೂ ಪ್ರಯೋಜನವಾಗಿಲ್ಲ. ಹಲವಾರು ವರ್ಷಗಳಿಂದ ಕೆಲಸ ನಿರ್ವಹಿಸುತ್ತಿರುವ ಪ್ರಾಥಮಿಕ ಶಾಲಾ ಶಿಕ್ಷಕರಿಗೆ ಅನ್ಯಾಯವಾಗುತ್ತಿದ್ದು, ಕಳೆದ ವರ್ಷ ಮುಖ್ಯಮಂತ್ರಿಗಳು ಒಂದು ತಿಂಗಳಲ್ಲಿ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲಾಗುವುದೆಂದು ಭರವಸೆ ನೀಡಿದ್ದರು. ಆದರೂ ಸಾಧ್ಯವಾಗಿಲ್ಲ, ಮುಂಬರುವ ದಿನಗಳಲ್ಲಿ ನಮ್ಮ ಬೇಡಿಕೆ ಈಡೇರುವವರೆಗೆ ಪ್ರತಿಭಟನೆ ನಡೆಸಲಾಗುವುದು. ಸಾಧ್ಯವಾದರೆ ತರಗತಿ ಬಹಿಷ್ಕಾರ ಮಾಡಿಯೂ ನಮ್ಮ ಬೇಡಿಕೆ ಈಡೇರಿಕೆಗೆ ಆಗ್ರಹಿಸಲಾಗುವುದು. ಮಾನ್ಯ ಮುಖ್ಯಮಂತ್ರಿಗಳು ಕೊಟ್ಟ ಮಾತಿನಂತೆ ತಕ್ಷಣವೇ ನಮ್ಮ ಬೇಡಿಕಗೆ ಸ್ಪಂದಿಸಬೇಕೆಂದು ಆಗ್ರಹಿಸಿದರು.

ಜಿಒಸಿಸಿ ಬ್ಯಾಂಕಿನ ನಿದೇರ್ಶಕ ಹಣಮಂತ ಕೊಣದಿ, ಸೈಯ್ಯದಜುಬೇರ ಕೆರೂರ ಮಾತನಾಡಿ, ಸರ್ಕಾರ ಶಿಕ್ಷಕರ ಬೇಡಿಕೆ ಈಡೇರಿಕೆಗೆ ಮೀನಮೇಷ ಎಣಿಸುತ್ತಿದೆ. 2016ಕ್ಕಿಂತ ಮುಂಚೆ ನೇಮಕವಾದವರಿಗೆ ಅನ್ಯಾಯ ಮಾಡುತ್ತಿದೆ. ತಕ್ಷಣವೇ ನಮ್ಮ ಸಮಸ್ಯೆಗೆ ಸ್ಪಂದಿಸಿ ಸಹಕರಿಸಬೇಕು ಎಂದು ಮನವಿ ಮಾಡಿದರು.

ಜಿಲ್ಲಾ ಶಿಕ್ಷಕರ ಸಂಘದ ಪ್ರಧಾನಕಾರ್ಯದರ್ಶಿ ಅಲ್ಲಾಬಕ್ಷ ವಾಲೀಕಾರ, ಶಿಕ್ಷಕರ ಸಂಘಟನೆ ಪ್ರಮುಖರಾದ ಮಲಕಪ್ಪ ಟಕ್ಕಳಕಿ, ನಿರ್ದೇಶಕರಾದ ಅಶೋಕ ಚನಬಸುಗೋಳ, ಎಸ್.ಎನ್.ಬಾಗಲಕೋಟ, ಗೀತಾ ಹತ್ತಿ, ಡಿ. ಡಿ. ಅಂಕಲಗಿ, ಬಿ.ಎಸ್. ಮಠ, ಎ.ಬಿ. ದಢಕೆ, ಕಬೂಲ್ ಕೊಕಟನೂರ, ಎಸ್.ಎನ್. ಗಗನಮಾಲಿ, ಅಶೋಕ ಬೂದಿಹಾಳ, ವೀರಭದ್ರಪ್ಪ, ಅಜೀಜ ಅರಳಿಮಟ್ಟಿ, ಸಲೀಮ ದಡೇದ, ಎಂ.ಎ.ಮುಲ್ಲಾ, ಎಂ.ಎಸ್. ಮುಕರ್ತಿಹಾಳ, ವೈ.ಟಿ. ಪಾಟೀಲ, ಎಂ.ಎಂ.ವಾಲಿಕಾರ, ಎಸ್.ವಿ.ಹರಳಯ್ಯ, ಪರಮಾನಂದ ಚಾಂದಕವಟೆ, ಆನಂದ ಕೆಂಭಾವಿ, ಜೈರಾಮ ಚವ್ಹಾಣ, ಎ.ಎಚ್.ವಾಲಿಕಾರ, ಎಂ.ಎನ್‌.ನಾಯಿಕ, ವಿಜಕುಮಾರ ದೇಸಾಯಿ, ಸಿದ್ರಾಯ ಅಥಣಿ, ಅನೀಲ ಗೊಡೆಪ್ಪಗೋಳ, ವಿಜಯಲಕ್ಷಿ ದಿವಾನಜಿ ಸೇರಿದಂತೆ ಕ.ರಾ.ಪ್ರಾ.ಶಾ. ಶಿಕ್ಷಕರ ಸಂಘದ ಜಿಲ್ಲಾ ಹಾಗೂ ತಾಲ್ಲೂಕು ಘಟಕಗಳ ಪದಾಧಿಕಾರಿಗಳು, ಶಿಕ್ಷಕರು ಪಾಲ್ಗೊಂಡಿದ್ದರು.