ಮುಂಬೈ– ಕಲಬುರ್ಗಿಗೆ ವಿಶೇಷ ರೈಲು

ಸೋಲಾಪುರ: ಪ್ರಯಾಣಿಕರ ಬೇಡಿಕೆ ಹಿನ್ನೆಲೆಯಲ್ಲಿ ಲೋಕಮಾನ್ಯ ತಿಲಕ್‌ ಟರ್ಮಿನಸ್ ಕಲಬುರ್ಗಿ ಸೂಪರ್ ಫಾಸ್ಟ್ ಎಕ್ಸ್‌ಪ್ರೆಸ್‌ ರೈಲು ಫೆಬ್ರುವರಿ 1ರಿಂದ ಸಂಚರಿಸಲು ಮಧ್ಯ ರೈಲ್ವೆ ಅನುಮತಿ ನೀಡಿದೆ.

ಲೋಕಮಾನ್ಯ ತಿಲಕ್‌ ಟರ್ಮಿನಸ್ ಕಲಬುರ್ಗಿ ಸೂಪರ್ ಫಾಸ್ಟ್ ಎಕ್ಸ್‌ಪ್ರೆಸ್‌ ರೈಲು ಮುಂಬೈಯಿಂದ ರಾತ್ರಿ 12.45ಕ್ಕೆ ಹೊರಟು ಠಾಣೆ, ಪನವೇಲ್, ಪುಣೆ, ಕುರುಡುವಾಡಿ, ಸೋಲಾಪುರ ಮಾರ್ಗವಾಗಿ ಕಲಬುರ್ಗಿಗೆ ಮರುದಿನ ಬೆಳಿಗ್ಗೆ 10.45ಕ್ಕೆ ತಲುಪಲಿದೆ ಎಂದು ಮಧ್ಯ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.