ಡಿಜಿಟಲ್ ಪೆನಲ್ ಬೋರ್ಡ್ ಅಳವಡಿಕೆ: ಮುಖ್ಯ ಶಿಕ್ಷಕ ಜಗದೀಶ

ಸಿಂದಗಿ: ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಆಧುನಿಕ ತಂತ್ರಜ್ಞಾನ ಹೊಂದಿರುವ ಡಿಜಿಟಲ್‌ ಪೆನಲ್‌ ಸ್ಕ್ರೀನ್‌ ಬೋರ್ಡ್‌ಗಳನ್ನು ಅಳವಡಿಸಲಾಗಿದೆ ಎಂದು ಮುಖ್ಯ ಶಿಕ್ಷಕ ಜಗದೀಶ ಪಾಟೀಲ ಹೇಳಿದರು. 

ಇಲ್ಲಿನ ಜ್ಞಾನ ಭಾರತಿ ವಿದ್ಯಾಮಂದಿರದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಡಿಜಿಟಲ್ ಪೆನಲ್ ಸ್ಮಾರ್ಟ್ ಬೋರ್ಡ್ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಒಂದರಿಂದ ಹತ್ತನೆಯ ತರಗತಿಯ ಎಲ್ಲ ಪಠ್ಯ ವಿಷಯಗಳು ಇದರಲ್ಲಿ ಅಡಕವಾಗಿವೆ. ವಿದ್ಯಾರ್ಥಿಗಳಿಗೆ ಕಲಿಯಲು ಇನ್ನಷ್ಟು ಆಸಕ್ತಿ ಮೂಡಿಸಲು ಇದು ಸಹಕಾರಿಯಾಗಿದೆ ಎಂದು ತಿಳಿಸಿದರು.

ವಿಜ್ಞಾನ ಪ್ರಯೋಗ, ಇತಿಹಾಸಕಾರರ ಭಾವಚಿತ್ರಗಳು, ಕನ್ನಡ ವಿಷಯದ ಸಂಪೂರ್ಣ ಪರಿಚಯ, ಗಣಿತ ವಿಷಯಕ್ಕೆ ಸಂಬಂಧಿಸಿದ ಎಲ್ಲ ಪ್ರಮೇಯಗಳು ಈ ಬೋರ್ಡ್ ನಲ್ಲಿ 3 ಡಿಯಲ್ಲಿ ಕಾಣಬಹುದು. ಇದರಿಂದ ವಿದ್ಯಾರ್ಥಿಗಳ ಗಮನ ಪಾಠದತ್ತ ಕೇಂದ್ರೀಕರಿಸಲು ಸಹಕಾರಿಯಾಗುತ್ತದೆ.ದೃ ಶ್ಯ ಮಾದ್ಯಮದಿಂದ ಬೋಧನೆ ಅತ್ಯಂತ ಪರಿಣಾಮಕಾರಿಯಾಗುತ್ತದೆ. ಈ ಪ್ರಯೋಗ ಇಡೀ ತಾಲ್ಲೂಕಿನಲ್ಲಿಯೇ ನಮ್ಮ ಶಾಲೆ ಪ್ರಥಮ ಎಂಬುದು ನಮಗೆ ಹೆಮ್ಮೆ ಎಂದು ತಿಳಿಸಿದರು.

ಸಮಿತಿಯ ಆಡಳಿತ ಮಂಡಳಿಯ ಕಾರ್ಯದರ್ಶಿ ಸತೀಶ ಹಿರೇಮಠ, ನಿರ್ದೇಶಕರಾದ ರವಿ ಪೂಜಾರಿ, ಶಿವಾನಂದ ಹಿರೇಮಠ, ಮಲ್ಲಿಕಾರ್ಜುನ ಕೋಬಾಳ, ಪ್ರಾಚಾರ್ಯೆ ಜಗದೇವಿ ನಂದಿಕೋಲ, ಶಿಕ್ಷಕರಾದ ಪದ್ಮಾವತಿ, ಸಾವಿತ್ರಿ ಮೋದಿ, ಎಸ್.ಎ.ರಾಠೋಡ ಭಾಗವಹಿಸಿದ್ದರು.