ಯುವ ಮನಸ್ಸಿಗೆ ಹತ್ತಿರವಾದ ‘ಕಿಸ್’ ಸಿನಿಮಾದ ಮೂಲಕ ನಾಯಕ ವಿರಾಟ್ರನ್ನು ಚಂದನವನಕ್ಕೆ ಪರಿಚಯಿಸಿದ್ದರು ನಿರ್ದೇಶಕ ಎಪಿ ಅರ್ಜುನ್. ಈ ಮತ್ತೆ ಜೋಡಿ ಒಂದಾಗಿ ಸಿನಿಮಾ ಮಾಡಲಿದೆ. ಹೊಸ ವರ್ಷದ ದಿನದಂದು ಈ ಬಗ್ಗೆ ಅಧಿಕೃತವಾಗಿ ಮಾತನಾಡಿದ್ದಾರೆ ಅರ್ಜುನ್. ‘ಮತ್ತೆ ವಿರಾಟ್ನೊಂದಿಗೆ ಸಿನಿಮಾ ಮಾಡುತ್ತಿದ್ದೇನೆ. ಚಿತ್ರದ ಶೀರ್ಷಿಕೆ ಇನ್ನೂ ಅಂತಿಮವಾಗಿಲ್ಲ. ಈ ತಿಂಗಳ ಅಂತ್ಯದಿಂದ ಪ್ರಾಜೆಕ್ಟ್ ಆರಂಭಿಸುವ ಯೋಚನೆ ಇದೆ. ಬೆಂಗಳೂರು, ಮಂಗಳೂರು, ನೈನಿತಾಲ್ ಹಾಗೂ ಊಟಿಯಲ್ಲಿ ಸಿನಿಮಾ ಚಿತ್ರೀಕರಣ ಮಾಡುವ ಯೋಚನೆ ಇದೆ. ನಾಯಕಿಗಾಗಿ ಹುಡುಕಾಟ ನಡೆಸಿದ್ದೇವೆ’ ಎಂದಿದ್ದಾರೆ.
‘ಕಿಸ್ ಸಿನಿಮಾ ಯುವಜನರಿಗೆ ಹೆಚ್ಚು ಹತ್ತಿರವಾಗಿತ್ತು, ಆದರೆ ನನ್ನ ಮುಂದಿನ ಸಿನಿಮಾ ಅದಕ್ಕಿಂತ ತುಂಬಾ ಭಿನ್ನವಾಗಿದೆ. ಇದು ಆ್ಯಕ್ಷನ್ ಕಥೆಯುಳ್ಳ ಸಿನಿಮಾ. ಕಿಸ್ ಸಿನಿಮಾದಲ್ಲಿ ವಿರಾಟ್ ಕಾಲೇಜು ಹುಡುಗನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ಹಾಗಲ್ಲ. ಆ ಕಾರಣಕ್ಕೆ ಹೊಸ ಪಾತ್ರಕ್ಕಾಗಿ ವಿರಾಟ್ ಸಾಕಷ್ಟು ತಯಾರಿ ನಡೆಸುತ್ತಿದ್ದಾರೆ. ಈ ಸಿನಿಮಾ ಪ್ರೇಕ್ಷಕರಿಗೆ ರಸದೌತಣ ನೀಡಲಿದೆ’ ಎಂದಿದ್ದಾರೆ.
ಈ ಸಿನಿಮಾವನ್ನು ದೊಡ್ಡ ಮಟ್ಟದಲ್ಲಿ ಮಾಡಲು ಆಯೋಜಿಸಿದ್ದಾರೆ ನಿರ್ದೇಶಕ. ‘ಈ ಸಿನಿಮಾವನ್ನು ಬಿಗ್ ಬಜೆಟ್ನಲ್ಲಿ ಮಾಡುವ ಯೋಜನೆ ಇದೆ. ಹಿಂದಿ ಹಾಗೂ ತೆಲುಗು ಆವೃತ್ತಿಯಲ್ಲೂ ಬಿಡುಗಡೆ ಮಾಡುವ ಬಗ್ಗೆ ಚಿಂತಿಸಿದ್ದೇವೆ’ ಎಂದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.