ಮುಂಬೈನಲ್ಲಿ ಬಪ್ಪಿ ಲಹಿರಿ ಅಂತ್ಯಕ್ರಿಯೆ: ‘ಡಿಸ್ಕೊ ಕಿಂಗ್‌’ಗೆ ಬಾಲಿವುಡ್‌ ವಿದಾಯ
Published 17 ಫೆಬ್ರುವರಿ 2022, 9:42 IST
ತಂದೆ ಬಪ್ಪಿ ಲಹಿರಿಯ ಪಾರ್ಥಿವ ಶರೀರವನ್ನು ಹೊತ್ತಿರುವ ಬಪ್ಪಾ ಲಹಿರಿ– ಎಎಫ್‌ಪಿ ಚಿತ್ರ
ಮುಂಬೈ: ಭಾರತದ ಡಿಸ್ಕೊ ಕಿಂಗ್‌ ಬಪ್ಪಿ ಲಹಿರಿ ಗುರುವಾರ ಮಧ್ಯಾಹ್ನ ಪಂಚಭೂತಗಳಲ್ಲಿ ಲೀನರಾದರು.
ಕುಟುಂಬ ಸದಸ್ಯರು, ಸ್ನೇಹಿತರು ಮತ್ತು ಅಭಿಮಾನಿಗಳು ಬಪ್ಪಿ ಅವರಿಗೆ ಕಣ್ಣೀರಿನ ವಿದಾಯ ಹೇಳಿದರು.
ಹೂವಿನಿಂದ ಅಲಂಕರಿಸಿದ್ದ ಟ್ರಕ್‌ನಲ್ಲಿ ಬಪ್ಪಿ ಅವರ ಪಾರ್ಥಿವ ಶರೀರವನ್ನು ಮುಂಬೈನ ಪವನ್ ಹನ್ಸ್ ಸ್ಮಶಾನಕ್ಕೆ ಕೊಂಡೊಯ್ಯಲಾಯಿತು.
ಅಂತಿಮ ವಿಧಿವಿಧಾನಗಳನ್ನು ನೇರವೇರಿಸಿದ ನಂತರ ಗಾಯಕ ಬಪ್ಪಾ ಲಹಿರಿ(ಬಪ್ಪಿ ಪುತ್ರ) ಪಾರ್ಥಿವ ಶರೀರಕ್ಕೆ ಅಗ್ನಿಸ್ಪರ್ಶ ಮಾಡಿದರು.
ವಿದ್ಯಾ ಬಾಲನ್, ಅಲ್ಕಾ ಯಾಗ್ನಿಕ್, ಶಾನ್, ಇಲಾ ಅರುಣ್, ಲಲಿತ್ ಪಂಡಿತ್ ಹಾಗೂ ರೂಪಾಲಿ ಗಂಗೂಲಿ ಸೇರಿದಂತೆ ಬಾಲಿವುಡ್‌ನ ಹಲವು ಪ್ರಮುಖರು ಬಪ್ಪಿ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.