ಪೋಸ್ಟರ್‌ ವಿನ್ಯಾಸಕ ಮಸ್ತಾನ್‌ ನಿಧನ

ಬೆಂಗಳೂರು: ಚಲನಚಿತ್ರ ಪೋಸ್ಟರ್‌ ವಿನ್ಯಾಸಕ ಮಸ್ತಾನ್ (63) ಅವರು ಮಂಗಳವಾರ ರಾತ್ರಿ ಹೆಸರಘಟ್ಟದ ಸಪ್ತಗಿರಿ ಆಸ್ಪತ್ರೆಯಲ್ಲಿ ನಿಧನರಾದರು.

ಅವರು ಕೋವಿಡ್‌ನಿಂದ ಬಳಲುತ್ತಿದ್ದರು. 42 ವರ್ಷಗಳಿಂದ ಚಲನಚಿತ್ರ ಪೋಸ್ಟರ್‌ಗಳ ವಿನ್ಯಾಸಕರಾಗಿ ಕೆಲಸ ಮಾಡಿದ್ದರು. ಮೂರು ಚಿತ್ರಗಳನ್ನು ನಿರ್ದೇಶಿಸಿದ್ದರು.

ಶುಕ್ಲಾಂಬರದರಂ, ಕಲ್ಲೇಶಿ ಮಲ್ಲೇಶಿ, ಸಿತಾರ ಅವರ ನಿರ್ದೇಶನದ ಚಿತ್ರಗಳು. ಸುಮಾರು 2000 ಚಿತ್ರಗಳಿಗೆ ಪೋಸ್ಟರ್‌ ವಿನ್ಯಾಸಕರಾಗಿ ಕೆಲಸ ಮಾಡಿದ್ದರು.