39ನೇ ವಸಂತಕ್ಕೆ ಕಾಲಿಟ್ಟ ಪ್ರಿಯಾಂಕಾ: ಅಭಿಮಾನಿಗಳಿಂದ ಟ್ರೆಂಡ್‌ ಆದ 'ಪಿಗ್ಗಿ'
ನಟನೆ, ಗಾಯನ, ಚಿತ್ರ ನಿರ್ಮಾಣಗಳಲ್ಲಿ ಯಶಸ್ಸು ಪಡೆದಿರುವ ಬಹುಮುಖ ಪ್ರತಿಭೆ ಪ್ರಿಯಾಂಕಾ ಚೋಪ್ರಾ ಅವರು ಸದ್ಯ ಲಂಡನ್‌ನಲ್ಲಿ ನಡೆಯುತ್ತಿರುವ ಸಿಟಾಡೆಲ್‌ ಡ್ರಾಮಾ ಸಿರೀಸ್‌ನ ಶೂಟಿಂಗ್‌ನಲ್ಲಿ ಬ್ಯೂಸಿಯಾಗಿದ್ದಾರೆ.
ಭಾನುವಾರ 39ನೇ ವಸಂತಕ್ಕೆ ಕಾಲಿಟ್ಟಿರುವ ಪ್ರಿಯಾಂಕಾ ಲಂಡನ್‌ನಲ್ಲಿಯೇ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಇದೇ ವೇಳೆ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ತಮ್ಮ ಹಾಟ್‌ ಚಿತ್ರವನ್ನೂ ಹಂಚಿಕೊಂಡಿದ್ದಾರೆ.
ಪ್ರಿಯಾಂಕಾ ಹುಟ್ಟುಹಬ್ಬದ ಅಂಗವಾಗಿ ಬಾಲಿವುಡ್‌ ನಟ–ನಟಿಯರು ಸೇರಿದಂತೆ ಅನೇಕ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಶುಭ ಹಾರೈಸಿದ್ದಾರೆ.
ಬಾಜಿರಾವ್ ಮಸ್ತಾನಿ, ಮೇರಿ ಕೋಮ್, ಬರ್ಫಿ, ಫ್ಯಾಶನ್, ಡಾನ್ ಸಿಕ್ವೆಲ್‌, ಕಾಮಿನಿ, ಎತ್ರಾಜ್‌ನಂತಹ ಸೂಪರ್‌ಹಿಟ್ ಚಿತ್ರಗಳಲ್ಲಿ ಪ್ರಿಯಾಂಕಾ ನಟಿಸಿದ್ದಾರೆ.
‘ಬೇವಾಚ್‌’ ಚಿತ್ರದ ಮೂಲಕ ಹಾಲಿವುಡ್‌ಗೆ ಪ್ರವೇಶಿಸಿದ ಅವರು ಅಮೆರಿಕಾದ ‘ಕ್ವಾಂಟಿಕೋ’ ಟಿ.ವಿ ಸಿರೀಯಲ್‌ ಮೂಲಕ ಜಾಗತಿಕ ಮಟ್ಟದಲ್ಲಿ ಖ್ಯಾತರಾಗಿದ್ದಾರೆ.
2018ರಲ್ಲಿ ಅಮೆರಿಕ ಮೂಲದ ನಟ, ಹಾಡುಗಾರ ನಿಕೊಲಾಸ್ ಜೆರ‍್ರಿ ಜೋನಾಸ್ ಅವರನ್ನು ವಿವಾಹವಾಗಿರುವ ಪ್ರಿಯಾಂಕಾ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ವಾಸವಾಗಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.