ನಟಿ ಪ್ರಿಯಾಂಕ ಚೋಪ್ರಾ ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಇತ್ತೀಚೆಗೆ ಅವರು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಳೆಯ ಫೋಟೊಗಳನ್ನು ಹಂಚಿಕೊಂಡಿದ್ದರು. ಅದರಲ್ಲಿ ಅವರು 17 ವರ್ಷದವಳಿದ್ದಾಗಿನ ಫೋಟೊ ಕೂಡ ಇತ್ತು. ಆ ಫೋಟೊದಲ್ಲಿ ಪಿಗ್ಗಿ ಸಂಪೂರ್ಣ ಭಿನ್ನವಾಗಿದ್ದು ಗುರುತೇ ಸಿಗದಂತೆ ಇದ್ದಾರೆ. ಚಿನ್ನದ ಬಣ್ಣದ ಕ್ರಾಪ್ ಟಾಪ್ ಮೇಲೆ ಕಪ್ಪು ಬಣ್ಣದ ಜೀನ್ಸ್ ಜಾಕೆಟ್ ಧರಿಸಿದ್ದ ಪ್ರಿಯಾಂಕ ಭಿನ್ನವಾಗಿ ಕಾಣಿಸುತ್ತಿದ್ದಾರೆ. ಫೋಟೊದೊಂದಿಗೆ 17ರಲ್ಲಿ ಹೀಗಿದ್ದೆ, ತೆಳ್ಳಗೆ ಎಂದು ಬರೆದುಕೊಂಡಿದ್ದರು.
ಅವರು ಹಂಚಿಕೊಂಡ ಈ ಫೋಟೊ ಈಗ ತುಂಬಾನೇ ವೈರಲ್ ಆಗಿದೆ. ಅಲ್ಲದೇ ಅಭಿಮಾನಿಗಳು ಇದನ್ನು ತುಂಬಾನೇ ಮೆಚ್ಚಿಕೊಂಡಿದ್ದಾರೆ. ಲಾರಾ ದತ್ತ, ದಿಯಾ ಮಿರ್ಜಾ, ಹೃತಿಕ್ ರೋಶನ್, ರಾಜ್ಕುಮಾರ್ ರಾವ್, ಕತ್ರಿನಾ ಕೈಫ್, ಸೋನಾಲಿ ಬೇಂದ್ರೆ ಮುಂತಾದವರು ಫೋಟೊಗೆ ಕಾಮೆಂಟ್ ಮಾಡಿದ್ದರು.
ಪ್ರಿಯಾಂಕ ಚೋಪ್ರಾ ನಟನೆಯ ದಿ ವೈಟ್ ಟೈಗರ್ ಜನವರಿ 22ಕ್ಕೆ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗುತ್ತಿದೆ. ಅವರ ಟೆಕ್ಸ್ಟ್ ಫಾರ್ ಯು ಹಾಲಿವುಡ್ ಚಿತ್ರದ ಶೂಟಿಂಗ್ ನಡೆಯುತ್ತಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.