‘ಜೆರ್ಸಿ’ ಹಿಂದಿ ರಿಮೇಕ್‌ನಲ್ಲಿ ಶಾಹಿದ್‌, ಶ್ರದ್ಧಾ
ತೆಲುಗಿನ ‘ಜೆರ್ಸಿ’ ಸಿನಿಮಾ ಹಿಂದಿಗೆ ರಿಮೇಕ್‌ ಆಗುತ್ತಿದ್ದು, ಇದರಲ್ಲಿ ನಟ ಶಾಹಿದ್‌ ಕಪೂರ್‌ ಹಾಗೂ ಶ್ರದ್ಧಾ ಕಪೂರ್‌ ಜೋಡಿಯಾಗಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಬಾಲಿವುಡ್‌ನಲ್ಲಿ ಕೇಳಿಬರುತ್ತಿದೆ. ಕಳೆದ ಕೆಲ ದಿನಗಳಿಂದಲೂ ಬಾಲಿವುಡ್‌ನಲ್ಲಿ ‘ಜೆರ್ಸಿ’ ರಿಮೇಕ್‌ ಸುದ್ದಿ ಹೆಚ್ಚಾಗಿ ಕೇಳಿಬರುತ್ತಿತ್ತು. ಈಗ ಈ ಚಿತ್ರದ ಚಿತ್ರೀಕರಣ ಆರಂಭವಾಗಿದ್ದು, ಈ ಸುದ್ದಿಯನ್ನು ಸ್ವತಃ ನಟ ಶಾಹಿದ್‌ ಕಪೂರ್‌ ದೃಢಪಡಿಸಿದ್ದಾರೆ.
ಶಾಹಿದ್‌ ಕಪೂರ್‌ ನಟಿಸಿದ ಕೊನೆಯ ಚಿತ್ರ ‘ಕಬೀರ್‌ ಸಿಂಗ್‌’ ಕೂಡ ವಿಜಯ್‌ ದೇವರಕೊಂಡ ಅಭಿನಯದ ತೆಲುಗಿನ ‘ಅರ್ಜುನ್‌ ರೆಡ್ಡಿ’ ರಿಮೇಕ್‌. ಹಿಂದಿಯಲ್ಲೂ ಕೂಡ ಈ ಚಿತ್ರ ಭಾರಿ ಹಿಟ್‌ ಆಗಿದೆ. ಇದು ಶಾಹಿದ್‌ ವೃತ್ತಿ ಬದುಕಿನ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವೂ ಹೌದು.
ಕಬೀರ್‌ ಸಿಂಗ್‌ ಬಳಿಕ ತೆಲುಗಿನ ಮತ್ತೊಂದು ಹಿಟ್‌ ಚಿತ್ರ ‘ಜೆರ್ಸಿ’ ಕೂಡ ಅದೇ ಹೆಸರಿನಲ್ಲಿ ಹಿಂದಿಗೆ ರಿಮೇಕ್‌ ಆಗುತ್ತಿದೆ. ಈಗ ಈ ಚಿತ್ರದ ಚಿತ್ರೀಕರಣ ಆರಂಭವಾಗಿದೆ. ಶಾಹಿದ್‌ ಕಪೂರ್‌ ಟ್ವಿಟ್ಟರ್‌ನಲ್ಲಿ ಈ ವಿಷಯ ತಿಳಿಸಿದ್ದಾರೆ. ಗೌತಮ್‌ ಟಿನ್ನನುರಿ ನಿರ್ದೇಶನ ಮಾಡುತ್ತಿದ್ದಾರೆ. ತೆಲುಗು ಚಿತ್ರದಲ್ಲಿ ನಾನಿ ನಿರ್ವಹಿಸಿದ ಪಾತ್ರವನ್ನು ಶಾಹಿದ್‌ ಮಾಡುತ್ತಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.