ತಮಿಳಿನ ಖ್ಯಾತ ನಟ ಸಿಂಬು ಶೀಘ್ರದಲ್ಲಿಯೇ ಮದುವೆಯಾಗುತ್ತಿದ್ದಾರೆ... ಹೀಗೊಂದು ಸುದ್ದಿ ಬಹುದಿನಗಳಿಂದ ಹರಿದಾಡುತ್ತಿದೆ.
ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಸ್ವತಃ ಸಿಂಬು, ‘ಸದ್ಯಕ್ಕೆ ಮದುವೆಯಾಗುವ ಪ್ರಶ್ನೆಯೇ ಇಲ್ಲ’ಎಂದು ತಮ್ಮ ಮದುವೆ ಸುದ್ದಿಯನ್ನು ಅಲ್ಲಗಳೆದಿದ್ದಾರೆ.
‘ಈ ಕ್ಷಣದಲ್ಲಿ ನಾನು ತುಂಬಾ ಸಂತಸ ದಲ್ಲಿದ್ದೇನೆ. ನನ್ನ ಕುಟುಂಬ ವಿಸ್ತಾರವಾಗುತ್ತಿದೆ. ತಮ್ಮ ಮತ್ತು ತಂಗಿ ವಿವಾಹವಾಗಿದ್ದಾರೆ. ನಮ್ಮ ಫ್ಯಾಮಿಲಿ ಫೋಟೊ ದೊಡ್ಡದಾಗಿದೆ. ಕುಟುಂಬದ ಪ್ರೀತಿಯಲ್ಲಿ ಮೀಯುತ್ತಿದ್ದೇನೆ’ ಎಂದು ಸಿಂಬು ಪತ್ರಕರ್ತರೆದುರು ಹೇಳಿಕೊಂಡಿದ್ದಾರೆ.
ಸದ್ಯಕ್ಕೆ ನನಗೆ ಮದುವೆಯಾಗುವ ಯೋಚನೆಯೇ ಇಲ್ಲ. ಸಿನಿಮಾದ ಕಡೆ ಗಮನ ಹರಿಸುತ್ತಿದ್ದೇನೆ. ಗಾಳಿಸುದ್ದಿಗಳಿಗೆ ತಲೆ ಕೆಡಿಸಿ ಕೊಳ್ಳದಿರಿ ಎಂದು ಅಭಿಮಾನಿಗಳಿಗೆ ಕರೆ ನೀಡಿರುವ ಸಿಂಬು, ಹೊಸ ಪ್ರಾಜೆಕ್ಟ್ಗಳ ಬಗ್ಗೆ ಸುಳ್ಳು ಸುದ್ದಿ ಹಬ್ಬಿಸುತ್ತಿರುವ ಬಗ್ಗೆ ಕಿಡಿಕಾರಿದ್ದಾರೆ.
‘ನಾನು ಯಾವುದಾದರೂ ಸಿನಿಮಾ ನಿರ್ಮಾಪಕ ಅಥವಾ ನಿರ್ದೇಶಕರ ಬಳಿಗೆ ಹೋಗಿದ್ದೇನೆ ಎಂದರೆ ಅದು ಹೊಸ ಪ್ರಾಜೆಕ್ಟ್ಗಾಗಿ ಅಂತ ಅರ್ಥವಲ್ಲ. ಸಿನಿಮಾವೇ ವೃತ್ತಿಯಾಗಿರುವ ನನಗೆ ಅದರ ಭಾಗವಾಗಿ ನಿರ್ದೇಶಕರು, ನಿರ್ಮಾಪಕರೊಂದಿಗೆ ಚರ್ಚೆ ಮಾಡಬೇಕಾಗುತ್ತದೆ. ಹೊಸ ಪ್ರಾಜೆಕ್ಟ್ಗಳಿದ್ದಲ್ಲಿ ಅದನ್ನು ಅಧಿಕೃತವಾಗಿ ಆಯಾ ಬ್ಯಾನರ್, ನಿರ್ಮಾಪಕರು ಇಲ್ಲವೇ ನಿರ್ದೇಶಕರೇ ಘೋಷಿಸುತ್ತಾರೆ. ನಟನಾಗಿ ಇದನ್ನೆಲ್ಲಾ ಸ್ಪಷ್ಟಪಡಿಸುವುದು ನನ್ನ ಜವಾಬ್ದಾರಿ’ಎಂದು ಸಿಂಬು ವಿವರಿಸಿದ್ದಾರೆ.
ಕನ್ನಡದ ‘ಮಫ್ತಿ’ ತಮಿಳು ರಿಮೇಕ್ನಲ್ಲಿ ಸಿಂಬು ನಾಯಕನಾಗಿ ಅಭಿನಯಿಸುತ್ತಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.