ಟ್ರೆಂಡಿಂಗ್ ಆಯ್ತು ಸಿಹಿಮುತ್ತು

ಇತ್ತೀಚೆಗಷ್ಟೇ ‘ಪರಿ’ ಸಿನಿಮಾದ ವಿವಾದದಿಂದ ಸುದ್ದಿಯಾಗಿದ್ದ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಮತ್ತು ಕ್ರಿಕೆಟಿಗ ವಿರಾಟ್ ಕೊಹ್ಲಿ ದಂಪತಿ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಅಂದಹಾಗೆ ಈ ಸಲ ಸುದ್ದಿಯಲ್ಲಿರುವುದು ವಿವಾದದ ಕಾರಣಕ್ಕಲ್ಲ. ಮುತ್ತಿನ ಕಾರಣಕ್ಕೆ.

ವಿಷಯ ಏನಪ್ಪಾ ಆಂದ್ರೆ, ಬ್ಯುಸಿ ಶೆಡ್ಯೂಲ್ ನಡುವೆಯೂ ತುಸು ಬಿಡುವು ಮಾಡಿಕೊಂಡಿರುವ ಈ ಜೋಡಿ ಇತ್ತೀಚೆಗೆ ತೆಗೆದುಕೊಂಡ ಸೆಲ್ಫಿಯೊಂದು ಇನ್‌ಸ್ಟಾಗ್ರಾಂನಲ್ಲಿ ಭಾರಿ ಸದ್ದುಮಾಡುತ್ತಿದ್ದೆ. ಇನಿಯನ ಕೆನ್ನೆಗೆ ಅನುಷ್ಕಾ ಮುತ್ತು ನೀಡುತ್ತಿರುವ ಈ ಚಿತ್ರಕ್ಕೆ ಅನುಷ್ಕಾ ಶರ್ಮಾರ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ 23 ಲಕ್ಷ ಲೈಕ್‌ಗಳು ಬಂದಿವೆ.

ಮದುವೆಗೆ ಮುನ್ನ, ಮದುವೆಯ ನಂತರ ಹೀಗೆ ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿಯಾಗುತ್ತಿರುವ ಈ ಜೋಡಿ, ಸಮುದ್ರತೀರದಲ್ಲೊಂದು ಬೃಹತ್ ಬಂಗಲೆ ಖರೀದಿಸಿದೆಯಂತೆ. ಮುಳುಗುತ್ತಿರುವ ಸೂರ್ಯನನ್ನು ಮನೆಯ ಟೆರೆಸ್ ಮೇಲೆ ಕಣ್ತುಂಬಿಕೊಳ್ಳುತ್ತಿರುವ ಅನುಷ್ಕಾ ಚಿತ್ರ ನೆಟ್ಟಿಗರ ಮನಗೆದ್ದಿದ್ದರೆ, ಮನೆಯ ತೆರೆದ ಬಾಲ್ಕನಿಯಲ್ಲಿ ವಿರಾಟ್ ತೆಗೆದುಕೊಂಡಿದ್ದ ಸೆಲ್ಫಿಗೆ ವಿರಾಟ್ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ದೊರೆತಿತ್ತು.