ಬ್ರೈನೋಬ್ರೇನ್ ಉತ್ಸವ

ನಗರದ ನಿಮ್ಹಾನ್ಸ್ ಸಭಾಂಗಣದಲ್ಲಿ ಇತ್ತೀಚೆಗೆ ನಡೆದ ಬ್ರೈನೋಬ್ರೇನ್ ಉತ್ಸವ, ಅದ್ಭುತ ಗಣಿತ ಸಾಮರ್ಥ್ಯಕ್ಕೆ ವೇದಿಕೆ ಒದಗಿಸಿತು.

ಈ ಉತ್ಸವದಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳ  ಸುಮಾರು ಒಂದು ಸಾವಿರ ಮಕ್ಕಳು ಪಾಲ್ಗೊಂಡಿದ್ದರು.

ವಿವಿಧ ಸ್ಪರ್ಧೆಗಳಲ್ಲಿ ಗಳಿಸಿದ ಬಹುಮಾನಗಳ ಆಧಾರದ ಮೇಲೆ ಉತ್ತಮ ಕೇಂದ್ರದ ಆಯ್ಕೆ ನಡೆಯಿತು. ಗುಬ್ಬಿ ಕೇಂದ್ರ 26 ಚಾಂಪಿಯನ್ ಅಂಕಗಳೊಂದಿಗೆ ಮೊದಲ ಸ್ಥಾನ ಗಳಿಸಿತು. ಸುಬ್ರಮಣ್ಯನಗರ ಕೇಂದ್ರ (23) ಎರಡನೇ ಸ್ಥಾನ ಪಡೆದರೆ, ರಾಜಾಜಿನಗರ (16) ಮೂರನೇ ಸ್ಥಾನ ಪಡೆಯಿತು.

ವಿಜಯಿ ಮಕ್ಕಳಿಗೆ ನಿಮ್ಹಾನ್ಸ್ ನಿರ್ದೇಶಕ ಡಾ. ಬಿ.ಎನ್. ಗಂಗಾಧರ್ ಅವರು ಬಹುಮಾನಗಳನ್ನು ವಿತರಿಸಿದರು. ಡಾ.ಬಿ.ಎಂ. ಹೆಗ್ಡೆ, ಅರುಳ್ ಸುಬ್ರಮಣ್ಯ, ರಾಮಕೃಷ್ಣ ಉಪಸ್ಥಿತರಿದ್ದರು.