ಹೃತಿಕ್‌ಗೆ ವಾಣಿ ಜೋಡಿ
ಭಾರತೀಯ ಫ್ಯಾಷನ್‌ ಲೋಕದಲ್ಲಿ ಮಾಡೆಲ್‌ ಹಾಗೂ ನಟಿಯಾಗಿ ಗುರುತಿಸಿಕೊಂಡಿರುವ ವಾಣಿ ಕಪೂರ್‌, ಯಶ್‌ ರಾಜ್‌ ಫಿಲ್ಮ್ಸ್‌ ನಿರ್ಮಾಣದ ಮುಂದಿನ ಸಿನಿಮಾದಲ್ಲಿ ಹೃತಿಕ್‌ ರೋಶನ್‌ ಅವರೊಂದಿಗೆ ಅಭಿನಯಿಸಲಿದ್ದಾರೆ.
ಬಹುದೊಡ್ಡ ಆ್ಯಕ್ಷನ್‌ ಸಿನಿಮಾ ಇದಾಗಲಿದೆ ಎಂದು ಹೇಳಲಾಗುತ್ತಿರುವ ಈ ಚಿತ್ರದಲ್ಲಿ ಟೈಗರ್‌ ಶ್ರಾಫ್‌ ಕೂಡ ಇರಲಿದ್ದಾರೆ. 2019ರ ಜನವರಿಯಲ್ಲಿ ಚಿತ್ರ ಬಿಡುಗಡೆಯಾಗಲಿದೆ.
ಸುಶಾಂತ್‌ ಸಿಂಗ್‌ ಹಾಗೂ ಪ್ರಣೀತಿ ಚೋಪ್ರ ಅವರೊಂದಿಗೆ ಶುದ್ಧ ದೇಸಿ ರೊಮ್ಯಾನ್ಸ್‌ ಚಿತ್ರದಲ್ಲಿ ಅಭಿನಯಿಸುವ ಮೂಲಕ ವಾಣಿ ಕಪೂರ್‌ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು. ಮುಂದಿನ ದಿನಗಳಲ್ಲಿ ತಮಿಳು ಸಿನಿಮಾ ರಂಗದಲ್ಲಿ ವಾಣಿ ಅವಕಾಶಗಳನ್ನು ಗಿಟ್ಟಿಸಿಕೊಂಡರು.
ಹೃತಿಕ್‌ ಮುಂದಿನ ಚಿತ್ರದಲ್ಲಿ ಹೊಸಮುಖವೇ ಬೇಕು ಎಂದು ಹುಡುಕಾಟದಲ್ಲಿ ತೊಡಗಿದ್ದ ತಂಡ ಇದೀಗ ವಾಣಿ ಕಪೂರ್‌ ಅಭಿನಯಿಸುವುದನ್ನು ಖಚಿತಪಡಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.