ನಟಿ ರಾಣಿ ಮುಖರ್ಜಿ ಹಾಗೂ ನಟ ಸಲ್ಮಾನ್ ಖಾನ್ ಅವರ ಸ್ನೇಹ ಜನಜನಿತ. ಈಚೆಗೆ ರಾಣಿ ಮುಖರ್ಜಿ ತಮ್ಮ ಗೆಳೆಯ ಸಲ್ಮಾನ್ಗೆ ಮಗುವನ್ನು ಪಡೆಯುವಂತೆ ಸಲಹೆ ನೀಡಿದ್ದಾರೆ.
ತಿಂಗಳ ಹಿಂದಷ್ಟೇ 1 ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿರುವ ತಮ್ಮ ಮಗಳು ಆದಿರಾಳ ವಿವಾಹವನ್ನು ಸಲ್ಮಾನ್ ಖಾನ್ ಮಗನೊಂದಿಗೆ ನಿಗದಿ ಮಾಡಿದ್ದಾರೆ ರಾಣಿ. ಸಲ್ಮಾನ್ ನಿರೂಪಕರಾಗಿರುವ ಹಿಂದಿ ಆವೃತ್ತಿಯ ಬಿಗ್ಬಾಸ್ ಕಾರ್ಯಕ್ರಮಕ್ಕೆ ತಮ್ಮ ‘ಹಿಚ್ಕಿ’ ಚಿತ್ರದ ಪ್ರಚಾರಕ್ಕಾಗಿ ರಾಣಿ ಬಂದಿದ್ದರು. ಆಗ ಸಲ್ಮಾನ್ ಬಳಿ ‘ನೀನು ಮದುವೆಯಾಗುವುದನ್ನು ಅವಾಯ್ಡ್ ಮಾಡು, ಸುಮ್ಮನೆ ಮಗು ಮಾತ್ರ ಪಡೆದುಕೊ. ನಿಮ್ಮ ಮಗು ನನ್ನ ಮಗಳು ಆದಿರಾಳಿಗೆ ಉತ್ತಮ ಜೊತೆಗಾರ ಸಿಗಲಿ’ ಎಂದು ಸಲಹೆ ನೀಡಿದ್ದಾರೆ.
ಸಲ್ಮಾನ್ ಯಾವಾಗ ಮದುವೆಯಾಗುತ್ತಾರೆ ಎಂದು ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ಈ ಹಿಂದೆ ಸಲ್ಮಾನ್ ಸಹ ಬಾಡಿಗೆತಾಯಿ ಮೂಲಕ ಮಗು ಹೊಂದುವ ಇಂಗಿತ ವ್ಯಕ್ತಪಡಿಸಿದ್ದರು. ಈಗ ಅವರ ಸ್ನೇಹಿತರು ಸಹ ಮದುವೆಯಾಗದೇ ಮಗು ಪಡೆಯುವಂತೆ ಸಲಹೆ ನೀಡುತ್ತಿರುವುದು ಹೊಸ ಚರ್ಚೆ ಹುಟ್ಟುಹಾಕಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.