7ನಿಮಿಷದ ‘ಕುಕ್ಕಿ’ ಮುಕ್ಕುವ ಸ್ಪರ್ಧೆ
ನಗರದ ಫೋರಂ ಮಾಲ್‌ನಲ್ಲಿ ಈಚೆಗೆ ಸಾಲು ಸಾಲು ಯುವಜನರು. ಪಂಕ್ತಿ ಊಟಕ್ಕೆ ಕುಳಿತಂತೆ ತಿನ್ನಲು ಸಿದ್ಧರಾಗಿದ್ದರು. ಪ್ರತಿಯೊಬ್ಬರ ಹಿಂದೆಯೂ ಎಣಿಸಲೊಬ್ಬ ನಿಂತಿದ್ದ.
ಸಮಯ ಆರಂಭವಾಗುತ್ತಿದ್ದಂತೆಯೇ ಕೈ ತೋಳೇರಿಸಿದ ಹುಡುಗರು ತಮ್ಮ ಮುಂದಿದ್ದ ತಟ್ಟೆಯಿಂದ ಒಂದೊಂದೇ ಕುಕ್ಕಿಯನ್ನು ಮುಕ್ಕಲಾರಂಭಿಸಿದರು. ಗರಿಗರಿಯಾದ ಕುಕ್ಕಿಯನ್ನು ಕುರುಂ ಕುರುಂ ಎಂದು ತಿನ್ನುತ್ತಲೇ ನೀರನ್ನು ಗುಟುಕರಿಸುತ್ತಿದ್ದರು.
ದಿ.ಕುಕ್ಕಿಮ್ಯಾನ್‌ ಏರ್ಪಡಿಸಿದ್ದ ಈ ಸ್ಪರ್ಧೆಯಲ್ಲಿ ಏಳು ನಿಮಿಷಗಳ ಅವಧಿ ನೀಡಲಾಗಿತ್ತು. ಏಳು ನಿಮಿಷಗಳಲ್ಲಿ 50 ಕುಕ್ಕಿ ತಿಂದ ಕಿರಣ್‌ ಮೊದಲ ಬಹುಮಾನದ ರೂಪದಲ್ಲಿ 10 ಸಾವಿರ ರೂಪಾಯಿ ಗಿಫ್ಟ್‌ ವೋಚರ್‌ ಪಡೆದರು. ಕೇವಲ ಒಂದೇ ಒಂದು ಕುಕ್ಕಿಯ ಅಂತರದಿಂದ ಸೋತ ಬಂಡಲ್‌ ಎಂಬುವವರು 2 ಸಾವಿರ ರೂಪಾಯಿ ಗಿಫ್ಟ್‌ ವೋಚರನ್ನು ಬಹುಮಾನವಾಗಿ ಪಡೆದರು. ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಇನ್ನಿತರರಿಗೂ ಸಮಾಧಾನಕರ ಬಹುಮಾನಗಳನ್ನು ನೀಡಲಾಯಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.