ಫ್ಯಾಕ್ಟ್‌ ಚೆಕ್‌ | ಕೋವಿಡ್‌ ತಡೆಯುವಲ್ಲಿ ಹೋಮಿಯೊಪಥಿ ಔಷಧ ಕೆಲಸ ಮಾಡುತ್ತದೆಯೇ?
Published 18 ಮೇ 2020, 5:14 IST
‘ಕೊರೊನಾ ವೈರಸ್‌ ತಡೆಯುವಲ್ಲಿ ಹೋಮಿಯೊಪಥಿ ಔಷಧ‘ಅರ್ಸೇನಿಕಂ ಅಲ್ಬುಂ 30’ ಪರಿಣಾಮಕಾರಿಯಾಗಿಕೆಲಸ ಮಾಡುತ್ತದೆ’ ಎಂದು ಆಯುಷ್‌ ಇಲಾಖೆ ಮಾಡಿರುವ ಟ್ವೀಟ್‌ ಬಹಳ ದಿನಗಳಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಓಡಾಡುತ್ತಿದೆ.
‘ಈ ಸುದ್ದಿಯನ್ನು ಸಾಧ್ಯವಾದಷ್ಟು ಹಂಚಿಕೊಳ್ಳಿ’ ಎಂದು ಲಿಂಕ್‌ ಸಹಿತವಾದ ಸಂದೇಶ ವಾಟ್ಸ್‌ ಆ್ಯಪ್‌ನಲ್ಲಿ ಈಗ ಹೆಚ್ಚು ಪ್ರಸಾರವಾಗುತ್ತಿದೆ.
ಆಯುಷ್‌ ಇಲಾಖೆಯು ಜನವರಿ ತಿಂಗಳ ಅಂತ್ಯದಲ್ಲಿ ಇಂಥ ಒಂದು ಟ್ವೀಟ್‌ ಮಾಡಿತ್ತು. ಆ ಕುರಿತ ಸುದ್ದಿಯೂ ಮಾಧ್ಯಮಗಳಲ್ಲಿ ಪ್ರಸಾರವಾಗಿತ್ತು. ಆದರೆ ಈ ಔಷಧದ ಪರಿಣಾಮಗಳ ಬಗ್ಗೆ ಯಾವುದೇ ಹೋಮಿಯೋಪಥಿ ವೈದ್ಯರು ವೈಜ್ಞಾನಿಕ ಅಧ್ಯಯನ ನಡೆಸಿರುವ ದಾಖಲೆಗಳಿಲ್ಲ. ಮಾತ್ರವಲ್ಲ, ಈ ಔಷಧದಿಂದ ಸೋಂಕಿತರು ಗುಣಮುಖರಾದ ಉದಾಹರಣೆಯೂ ಇಲ್ಲ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.