ಫ್ಯಾಕ್ಟ್‌ ಚೆಕ್‌: ಅಕ್ಕಿಗೆ ಕೃತಕ ಬಣ್ಣದ ಕಲಬೆರಕೆ- ವಿಡಿಯೊ ಹಿಂದಿನ ಸತ್ಯವೇನು?

ಕೆಲ ಜನರ ಗುಂಪೊಂದು ಅಕ್ಕಿಗೆ ಕೃತಕ ಬಣ್ಣ ಸೇರಿಸಿ ಕಲಬೆರಕೆ ಮಾಡುತ್ತಿರುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಆಹಾರ ಸಂಸ್ಕರಣಾ ಕಾರ್ಖಾನೆಯೊಂದರಲ್ಲಿ ಚಿತ್ರೀಕರಿಸಿರುವ ವಿಡಿಯೊ ಇದಾಗಿದೆ. ‘ಹಿಂದೂಗಳ ಜನಸಂಖ್ಯೆ ಕಡಿಮೆ ಮಾಡಲು ಮುಸ್ಲಿಮರು ಅಕ್ಕಿಗೆ ಹಾನಿಕಾರಕ ರಾಸಾಯನಿಕಗಳನ್ನು ಬೆರೆಸುತ್ತಿದ್ದಾರೆ. ಈಗ ದೇಶದಲ್ಲಿ ಅನ್ನ ಜಿಹಾದ್‌ ನಡೆಯುತ್ತಿದೆ. ಅಕ್ಕಿ ಸೇರಿ ಯಾವ ವಸ್ತುವನ್ನೂಮುಸ್ಲಿಮರ ಅಂಗಡಿಗಳಿಂದ ಕೊಳ್ಳಬೇಡಿ’ ಎಂಬ ಅಡಿಬರಹವನ್ನು ಈ ಪೋಸ್ಟ್‌ಗೆ ನೀಡಲಾಗಿದೆ.

ಈ ವಿಡಿಯೊ ಕುರಿತುಲಾಜಿಕಲ್‌ ಇಂಡಿಯನ್‌ ಪರಿಶೀಲನೆ ನಡೆಸಿದೆ. ವಿಡಿಯೊ ಜೊತೆ ಹಂಚಲಾಗಿರುವ ಮಾಹಿತಿ ಸುಳ್ಳು ಎಂದು ಅದು ವರದಿ ಮಾಡಿದೆ. 2018ರಲ್ಲಿ ದಕ್ಷಿಣ ಅಮೆರಿಕದ ಪೆರುವಿನಲ್ಲಿ ಈ ವಿಡಿಯೊ ಚಿತ್ರೀಕರಿಸಲಾಗಿದೆ. ರಾಸಾಯನಿಕ ಬೆರೆಸುತ್ತಿರುವವರು ಸ್ಪ್ಯಾನಿಶ್‌ ಭಾಷೆಯಲ್ಲಿ ಮಾತನಾಡುತ್ತಾರೆ. ಈ ವಿಡಿಯೊ 2018ರಲ್ಲೇ ಯುಟ್ಯೂಬ್‌ನಲ್ಲಿ ಅಪ್‌ಲೋಡ್‌ ಆಗಿದೆ. ಈ ವಿಡಿಯೊಗೆಪೆರುವಿನ ಹಲವು ನಾಗರಿಕರು ಕಮೆಂಟ್‌ ಕೂಡಾ ಮಾಡಿದ್ದಾರೆ.