ಜೂನ್ 1ರಿಂದಸಮ-ಬೆಸ ವಿಧಾನದಲ್ಲಿ ಶಾಲೆಗಳನ್ನು ಪುನರಾರಂಭ ಮಾಡಬೇಕು ಎಂದು ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಅವರು ಸರ್ಕಾರವನ್ನು ಒತ್ತಾಯಿಸಿದ್ದಾರೆ. ಶಿಕ್ಷಕರು ಒಂದು ದಿನ, ವಿದ್ಯಾರ್ಥಿಗಳು ಮತ್ತೊಂದು ದಿನ ಶಾಲೆಗೆ ಹೊಗಬೇಕು ಎಂದು ಅವರ ಹೆಸರಿನ ಟ್ವೀಟ್ ಉಲ್ಲೇಖಿಸಿದೆ. ಫೇಸ್ಬುಕ್ನಲ್ಲಿ ಭಾರಿ ಚರ್ಚೆಗೆ ಒಳಗಾಗಿರುವ ಇದು, ಸಾಕಷ್ಟು ತಮಾಷೆಗೂ ಕಾರಣವಾಗಿದೆ.
ಇದೊಂದು ನಕಲಿ ಟ್ವೀಟ್. ಇದಕ್ಕೆ ರಾಹುಲ್ ಗಾಂಧಿ ಅವರ ಹೆಸರು ಹಾಗೂ ಅವರ ಪ್ರೊಫೈಲ್ ಚಿತ್ರ ಬಳಸಿಕೊಳ್ಳಲಾಗಿದೆ. ಟ್ವೀಟ್ ಪರಿಶೀಲಿಸಿದಾಗ ಮೂರು ವಿಚಾರಗಳು ಸ್ಪಷ್ಟವಾಗಿವೆ. ಮೇ 22ರಂದು ರಾಹುಲ್ ಗಾಂಧಿ ಎರಡು ಟ್ವೀಟ್ ಮಾಡಿದ್ದಾರೆ. ಆದರೆ ಅವರ ಖಾತೆಯಲ್ಲಿ ಶಾಲೆ ಆರಂಭ ಕುರಿತ ಟ್ವೀಟ್ ಇಲ್ಲ. ಟ್ವೀಟ್ನ ಕೆಳಗಡೆ ಸಾಮಾನ್ಯವಾಗಿ ತಿಂಗಳ ಬಳಿಕ ದಿನಾಂಕ ನಮೂದಾಗುತ್ತದೆ. ಆದರೆ ಈ ನಕಲಿ ಟ್ವೀಟ್ನಲ್ಲಿ ದಿನಾಂಕದ ಬಳಿಕ ತಿಂಗಳು ಉಲ್ಲೇಖವಾಗಿದೆ. ನೋಕಿಯಾ ಫೋನ್ ಮೂಲಕ ಟ್ವೀಟ್ ಬರೆಯಲಾಗಿದೆ ಎಂದು ಉಲ್ಲೇಖವಾಗಿದೆ. ಆದರೆ ರಾಹುಲ್ ಅವರು ತಮ್ಮ ಎಲ್ಲ ಟ್ವೀಟ್ಗಳನ್ನು ಐಫೋನ್ನಲ್ಲಿ ಬರೆಯುತ್ತಾರೆ. ಈ ಎಲ್ಲ ಅಂಶಗಳನ್ನು ಪರಿಗಣಿಸಿದಾಗ, ಇದು ನಕಲಿ ಟ್ವೀಟ್ ಎಂಬುದು ಸ್ಪಷ್ಟವಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.