ಇ-ಮೇಲ್ ಹುಜಿ ಕಾರ್ಯಕರ್ತ ವಶಕ್ಕೆ

ಜಮ್ಮು (ಪಿಟಿಐ): ದೆಹಲಿ ಹೈಕೋರ್ಟ್ ಆವರಣದಲ್ಲಿ ನಡೆದ ಬಾಂಬ್ ಸ್ಫೋಟ ಪ್ರಕರಣದ ಹೊಣೆ ಹೊತ್ತು ಇ-ಮೇಲ್ ಕಳುಹಿಸಿದ ಎನ್ನಲಾದ ಶಂಕಿತ ಹುಜಿ ಸಂಘಟನೆಯ ಕಾರ್ಯಕರ್ತನನ್ನು ಜಮ್ಮು ಕಾಶ್ಮೀರದಲ್ಲಿ ಭದ್ರತಾ ಪಡೆಯವರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ತಾನು ನೀಡಿದ ನಿರ್ದೇಶನದ ಮೇಲೆ ಈ ಇ-ಮೇಲ್ ಕಳುಹಿಸಲಾಗಿತ್ತು ಎಂದು ಅಮೀರ್ ಒಪ್ಪಿಕೊಂಡಿದ್ದಾನೆ ಎಂದು ಮೂಲಗಳು ತಿಳಿಸಿವೆ.

ಅಮೀರ್ ಜಮ್ಮು-ಕಾಶ್ಮೀರದ ಕಿಸ್ವ್ಯಾರ ಜಿಲ್ಲೆಗೆ ಸೇರಿದವನ್ನಾಗಿದ್ದು, ಹುಜಿ  ಪರ ಕಾರ್ಯನಿರ್ವಹಿಸುತ್ತಿದ್ದ. ಅಮೀರ್‌ನನ್ನು ತೀವ್ರ ವಿಚಾರಣೆಗೆ ಒಳಪಡಿಸಲಾಗಿದೆ ಎಂದು ಭದ್ರತಾ ಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.