ಎತ್ತರಿಸಿದ ರೈಲು ವ್ಯವಸ್ಥೆ ಮುಂದಿನ ವರ್ಷ ಪೂರ್ಣ

ನವದೆಹಲಿ/ಚೆನ್ನೈ (ಐಎಎಸ್‌ಎಸ್): ಚೆನ್ನೈನಲ್ಲಿ ಆರಂಭವಾಗಿರುವ ಎತ್ತರಿಸಿದ ರೈಲು ಸಂಚಾರ ವ್ಯವಸ್ಥೆಯ ವಿಸ್ತರಣಾ ಕಾಮಗಾರಿಯಾದ ಕ್ಷಿಪ್ರ ಸಮೂಹ ಸಂಚಾರ ವ್ಯವಸ್ಥೆ (ಎಂಆರ್‌ಟಿಎಸ್) 2013ಕ್ಕೆ ಪೂರ್ಣಗೊಳ್ಳಲಿದೆ ಎಂದು ರೈಲ್ವೆ ಸಚಿವ ದಿನೇಶ್ ತ್ರಿವೇದಿ ಹೇಳಿದ್ದಾರೆ.

ವೇಲಚೇರಿ- ಸಂತ ಥಾಮಸ್ ಮೌಂಟ್ ನಡುವಿನ ಎಂಆರ್‌ಟಿಎಸ್ ಕಾಮಗಾರಿಯೂ ಮುಂದಿನ ಆರ್ಥಿಕ ವರ್ಷದಲ್ಲಿ ಮುಗಿಯಲಿದೆ. ಸದ್ಯ ಚೆನ್ನೈ ಬೀಚ್- ವೇಲಚೇರಿ ಮಾರ್ಗದ ಕಾಮಗಾರಿ ಪೂರ್ಣಗೊಂಡಿದೆ.

156 ವರ್ಷಗಳಷ್ಟು ಹಳೆಯದಾದ ರಾಯಪುರಂ ರೈಲು ನಿಲ್ದಾಣವನ್ನು ಬೃಹತ್ ನಿಲ್ದಾಣವನ್ನಾಗಿ (ಟರ್ಮಿನಲ್) ಪರಿವರ್ತಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ. ದಕ್ಷಿಣ ಭಾರತದ ಮೊದಲ ರೈಲು ನಿಲ್ದಾಣ ಎಂಬ ಅಭಿದಾನಕ್ಕೆ ಪಾತ್ರವಾದ ಇದು 1856ರಲ್ಲಿ ಉದ್ಘಾಟನೆಗೊಂಡಿತು.